Ինչն է խեղդում իշխանությունը Սյունիքում

Սյունիքում երեկ կատարվածը ցույց տվեց թավշյա իշխանության իրական պատկերն ու կազմալուծման եզրին գտնվող կառավարության ներսում տիրող վիճակը:

Սյունիքը չի ենթարկվում Նիկոլ Փաշինյանին, կամ ինչպես թրենդի մեջ է՝ նախկինների կլանից մնացուկներ կան, դրա համար պետք է հնարավորինս բոլոր կոշտ միջոցներով հասնել տոտալ վերահսկողության:

Սյունիքը, որը վերջին երկու տասնամյակում երբեք աչքի չի ընկել ցույց կազմակերպելով և երբեք այս մարզում բողոքի մեծ ակցիաներ տեղի չեն ունեցել՝ երեկ իսկական մաստեր կլաս ցույց տվեց իշխանությանը՝ զգուշացնելով, թե ինչ կարող է լինել այս իշխանության հետ, եթե շարունակեն գործել բոլորին իրենց թրի տակով անցկացնելու գործելաոճով:

Դա գիտակցում էին նաև իշխանական լրատվամիջոցները, որոնք նախընտրեցին լռել և այս բողոքի ակցիան այդպես էլ չլուսաբանել, մինչդեռ եթե ակցիա աներ իշխնության որևէ ջատագով, ապա իշխանության սպասարկուները կմիացնեին իրենց ուղիղ եթերները:

Սյունիքի դեպքը ցույց տվեց այն իրական պատկերը, որը կա Հայաստանի բոլոր մարզեորւմ՝ բայց, եթե ի տարբերություն նախորդ մարզերի, որտեղ համայանքապետերը կամ «Քաղաքացիական պայմանագիր» կուսակցության անդամ են, կամ հեղափոխական՝ ոչ թե մտքով, այլ ընդամենը սեփական պաշտոնը ձեռքի տակ պահելու համար:

Սյունիքում գտնվել են մի 4-5 պաշտոնյա որոնք հանդգնել են հակառակվել մարզպետ Հունան Պողոսյանին և չընդունել Փաշինյանի կաբինետից թելադրվող պայմանները և որպես ժողովրդի կողմից ընտրված ներկայացուցիչ ընդամենը աշխատել՝ ցանկացած պահի պատրաստ լինելով իշխանությանն ասել՝ ոչ:

Իսկ ինչ է պետք է այդ դեպքում, եթե ոչ անընհազադներին համարել քրեածին տարր, կոռումպացված պաշտոնյա, նախկին ու հակահեղափոխական և քրեկան գործի շրջանակում ազատվել նրանցից, ինչն էլ բոլորիս աչքի առաջ տեղի ունեցավ Սյունիքում:

Ակնհայտ է, որ Սյունիքի դեպքում մենք գործ ունենք ոչ թե իրավական, այլ շատ կոնկերտ քաղաքական որոշումների բախվող հակազդեցության հետ, ինչը լռեցնելու համար էլ գործի է դրվել բռնություն և ճնշում ձերբակալված անձանց նկատմամբ: Ուշադրություն դարձրեք, որ սա տեղի է ունենում ոչ բռնի թավշյա Հայաստանում:

Հակահեղափոխություն է փնտրում իշխանությունը Սյունիքում և պատրաստ է ամենակոշտ միջոցներով խեղդել ոչ թե հակահեղափոխությունը այլ ցանկացած ընդդիմախոսություն, ցանկացած քննադատություն, որը կարող է թուլացնել իր իշխանությունը՝ առանց մտածելու, որ և Սյունիքում և օրեր առաջ Գավառում տեղի ունեցած դեպքերը ընդամենը հայելանման արտացոլանքն են այն ներքաղաքական խմորումների, որոնք հանգեցնում են իշխանական բուրգի կազմաքանդման:

NewsPress.am