Թորոսյանը հաստատեց Վանեցյանի ասածը. հայտնվել ենք կոլապսում
Առողջապահության նախարար Արսեն Թորոսյանն այսօր Հանրային խորհրդի հեռավար քննարկման ժամանակ հրապարակել է այնպիսի ցուցանիշներ, որոնք վկայում են, որ Հայաստանում առողջապահական համակարգը քայլ առ քայլ գնում է դեպի կոլապսի, իսկ կոլապսի մեջ հայտնվում է ցանկացած բան, որը չունի կառավարում և դուրս է վերահսկողությունից։
Արսեն Թորոսյանն ասում է, որ հիմա մենք արդեն ունենք 350 վարակված բուժաշխատող, մահճակալային ֆոնդը պարզապես մեզ չի հերիքում, իսկ քանի որ վարակակիրների թիվն ավելանում է օր օրի հարյուրներով, ապա շուտով կորոնավիրուսակիրները կտեղավորվեն նաև այլ հիվանդանոցներում, ինչը լրջագույն ռիսկ է այդ հիվանդանոցներում բուժվող այլ պացիենտների համար։
Նախարարը մեզ ուղղակիորեն ձեռք է առնում, երբ, օրինակ, ծաղրում է այն, ինչը սպասվում է մեզ։ Խոսքը վերաբերում է Ազգային անվտանգության ծառայության նախկին տնօրենի թվիթերյան գրառմանը, ինչի բովանդակությունը ոչ միայն Թորոսյանը չհերքեց, այլև Հանրային խորհրդի անդամների հետ քննարկման ժամանակ հաստատեց։
Թորոսյանը մեզ պատրաստում է Իտալիայի կամ Իսպանիայի օրինակին՝ նման բան ասելուց առաջ մոռանալով, որ եթե Իտալիայի առողջապահության նախարարի ուսերին դրված է 60 միլիոն բնակչի անվտանգ կյանքի պատասխանատվությունը, ապա իր դեպքում խոսքը 3 միլիոն մարդու մասին է։
Առողջապահության ոլորտի թիվ 1 պատասխանատուն այսօր ինքն իր խոսքով ապացուցեց, որ ճիշտ էին այն բժիշկները, որոնք հայտարարում էին, որ կյանքում գոնե մեկ հիվանդի չբուժած մարդը չի կարող նման կարևորագույն ոլորտի պատասխանատվություն ստանձնել ու ճգնաժամի պահին «վարի է տալու» բոլորիս։
Թորոսյանն ինքն է խոստովանում, որ տապալել է կորոնավիրուսի դեմ պայքարը, որ Հայաստանում, ի տարբերություն աշխարհի այլ երկրների, հիվանդներին հիվանդանոցներում տեղավորելու հնավորություն այլևս չենք ունենալու ու փոխանակ պատասխանատվության կանչվի՝ լայվերից չի իջնում անգործության մատնվածի պես։
Նախարարի մոտ քար անտարբերություն է նաև իր հասցեին հնչող մյուս քննադատությունների հետ կապված. նա թքած ունի այն բանի վրա, որ իրեն կասկածում են ԱՀԿ գործակալ լինելու կամ գրանտակերությամբ զբաղվելու մեջ։
Թորոսյանն այս հարցում որոշել է երկրորդել ծխախոտային սկանդալից կարկամած իշխանությանն ու չհերքել։
Թե ուր է տանում մեզ այս քար անտարբերությունն ու պրոֆեսիոնալիզմի բացակայությունը, երկար մտածել պետք չէ. տանում է ուղիղ կործանում, բազմաթիվ մահերի ու տնտեսական աղետի։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
Արթուր Դավթյանի մայրը «լայքում է» Լևոն Քոչարյանին (լուսանկար)
