Կառավարությունը պետք է կտրուկ միջոցներ ձեռնարկի դիմակի գները կարգավորելու համար, այլընտրանք ուղղակի չկա. Արարատ Միրզոյան (տեսանյութ)

Անկեղծ ասած այս քննարկումը լսելիս մի անեկդոտ հիշեցի: Այս մասին այսօր Ազգային ժողովում արտահերթ նիստին, անդրադառնալով Վարչական իրավախախտումների վերաբերյալ օրենսգրքում լրացում կատարելու մասին հարցի քննարկմանը, ասաց ԱԺ նախագահ Արարատ Միրզոյանը:

«Մեկը երեկոյան վերադառնում է տուն և կնոջը գոհունակությամբ ասում է, որ վաճառողուհուն խաբել է`փողը տվել է և ապրանքը չի վերցրել: Հիմա եկեք մի հատ հասկանանք այս պատմության մեջ ով ում է խաբում և ինչի համար։ Ժողովուրդ ջան յուրաքանչյուր հնարամիտ մարդ անվերջ կարող է մտածել իրավիճակ, թե ոնց կարող է ինքը խուսափել պատժվելուց, շրջանցել կարգավորումը և ասել՝ թղթերով ամեն ինչ նորմալ է»,-ասաց նա` հավելելով, որ պետք է հասկանալ, որ այս որոշումը շրջանցելու իմաստ չկա և կառավարությունը անում է մարդկանց պաշտպանելու համար:

Նա նաև նկատեց, որ 100 տոկոսանոց պատասխան չկա`դիմակը օգնում է, թե ոչ, բայց նշեց, որ դիմակով վարակվելու հնարավորությունը գոնե փոքրանում է։

«Երկուշաբթի օրը առողջապահական, այդ թվում՝ գլոբալ կազմակերպություններն ասում են, որ օգնում է դիմակը, երեքշաբթի օրն ասում են` չէ, ոնց որ չի օգնում: Չորեքշաբթի ուրիշ բան են ասում, բայց կա շանս, որ  այս դիմակը կարող է օգնել փրկել մարդու կյանքը, հիմա ասում ենք՝ կրեք էդ անտերը, ունեցեք»,-ասաց նա:

Արարատ Միրզոյանը նշեց նաև, որ համատարած 100 հազար դրամ պատիժ կիրառելը տեղին չէ, համաչափ չէ, և բերվել է օրենքի նախագիծ, որտեղ տուգանքը սահմանվում է 10 հազար դրամ:

Ինչ վերաբերվում է դիմակների գնին, ապա Միրզոյանի կարծիքով իմակների գներն, այո, կապ ունեն առաջարկ-պահանջարկի մասին տնտեսագիտական պնդումների հետ. «մեր կառավարությունը պետք կտրուկ միջոցներ ձեռնարկ այս գները կարգավորելու և սահմանաչափեր սահմանելու համար, այլընտրանք ուղղակի չկա»,-եզրափակեց Միրզոյանը: