Հայաստանի գործատուների միությանն անհանգստացրել է Ucom–ի հարցը

Հայաստանի գործատուների միությունն անհանգստություն է հայտնել Ucom ընկերության և ղեկավարության շուրջ կատարվող իրադարձությունների համար։ Տեղեկությունը հայտնում է Ucom–ի մամուլի ծառայությունը։

«Հայաստանի գործատուների հանրապետական միության հայտարարությունը գործատուների նկատմամբ տեղի ունեցող հակակոռուպցիոն գործողությունների շուրջ և մասնավորապես Ucom ընկերության վերաբերյալ

Հայաստանի գործատուների հանրապետական միությունը (ՀԳՀՄ) ողջունում է ՀՀ կառավարություն՝ կոռուպցիայի և ստվերային տնտեսության նկատմամբ տարվող հետևողական պայքարում: Կոռուպցիան և ստվերային տնտեսությունը տարիներ շարունակ եղել են ՀՆԱ-ի և ՀՀ տնտեսության մրցունակության նվազման հիմնական պատճառները, որոնք խաթարել են հավասար մրցակցությունը և տնտեսության ճյուղերի համաչափ զարգացումն ու ֆորմալ զբաղվածությունը:

ՀԳՀՄ-ն դեռևս 2017թ-ին իր Կանոնադրությունը համալրել է էական փոփոխություններով՝ ներառելով կոռուպցիայի և ստվերային տնտեսության դեմ պայքարին առնչվող նպատակները և գործառույթներ:
Դրան զուգահեռ, ՀԳՀՄ-ն մնալով հավատարիմ իր առաքելությանը՝ «Խթանել բիզնես միջավայրի շարունակական բարելավումը, պաշտպանել բիզնես համայնքի և գործատուների շահերը՝ ուղղորդելու դեպի տնտեսական աճ և բարեկեցություն», իր անհանգստությունն է հայտնում հակակոռուպցիոն գործառույթների շրջանակում ՀՀ Սահմանադրության պահանջների կատարումից որոշակիորեն շեղվելու ռիսկերի վերաբերյալ: Այն է ՀՀ պետական իշխանությունը իրականացվում է օրենսդիր, գործադիր և դատական իշխանությունների բաժանման ու հավասարակշռման սկզբունքի հիման վրա, որի ապահովումը մշտապես պետք է ուղեկցի ցանկացած գործողության:

ՀՀ տնտեսությունը դեռևս օժտված չէ մեծ թվով հաջողված ձեռնարկատիրության օրինակներով, քանի որ նախկին ժամանակներում եղել են որոշակի կապեր՝ գրաված պաշտոնների շրջանակում և հովհանավորչական գործառույթներ բարձրաստիճան պաշտոնյաների կողմից, որոնք արագացրել են որոշ ձեռնարկությունների կայացումը և նրանց ձեռնարկատիրական գործունեության մասշտաբայնությունը:

Սակայն, ըստ ՀԳՀՄ-ի, ոչ միշտ է անհրաժեշտ ձեռնարկությունների հիմնադիր անձերի պատմությունը նույնականացնել ձեռնարկության համբավի և գործունեության հետ:

Ucom ընկերությունը ունի լայն ճանաչում և հայտնի է որպես բարձր արդյունավետության կազմակերպություն և այդ առումով պետք է հոգ տարվի, որպեսզի նրա ամենօրյա ձեռնարկատիրական գործունեությունը և վարկանիշը չվնասվեն:

Միությունը, որպես օրինակ ցանկանում է նշել, որ բնության մեջ հաճախ մենք հանդիպում ենք ջրի աղբյուրների, որոնց ջուրը խմելով գովաբանում ենք ջրի համն ու սառնությունը: Սակայն մենք հավանաբար չգիտենք, որ գուցե այդ աղբյուրը մի քանի կիլոմետր հեռու անցնում է առնում կոյուղաջրերի կամ թափոնների միջով: Սակայն բնության հզոր մաքրման համակարգը մեխանիկական և բիոլոգիական մաքրման է ենթարկում այդ ջուրը և մենք այն խմում են սառը և համով: Նույն կերպ Կառավարությունը թափանցիկ և անկողմնակալ գործառույթներով իրականացնում է և պետք է իրականացնի մաքրման նմանատիպ աշխատանքները բիզնեսի շրջանակում:

Բացի այդ, ՀԳՀՄ-ն չի ողջունում ոլորտի պատասխանատու պետական գերատեսչությունների պասիվ գործելակերպը, որը չի համապատասխանում նրանց հիմնական առաքելությանը: Այդ առումով, մեր կարծիքով, ՀՀ Կառավարության զայրույթը և արագ գործելակերպը, որպեսզի չհանգեցնեն անդառնալի վնասների, պետք է լինեն հավասարակշռված՝ շուրջ 4-5 գերատեսչությունների պատճառաբանություններով:

Այդպիսի գերատեսչություններ են հանդիսանում ՀՀ էկոնոմիկայի նախարարությունը, ՀՀ բարձր տեխնոլոգիական արդյունաբերության նախարարությունը, ՀՀ աշխատանքի և սոցիալական հարցերի նախարարությունը, ինչպես նաև ՀՀ հանրային ծառայությունները կարգավորող հանձնաժողովը, ՀՀ տնտեսական մրցակցության պաշտպանության պետական հանձնաժողովը, քանի որ պետք է հաշվի առնվեն մուլտիպլիկատիվ բացասական ազդեցությունները տնտեսության որոշ ճյուղերում, աշխատողների հնարավոր գործազրկությունը, հանրային ծառայությունների որակի վատթարացումը ուղղված սպառողներին և ոլորտում մոնոպոլիզացիայի հնարավոր ռիսկերը:

ՀԳՀՄ-ն կոչ է անում ՀՀ կառավարություն առավելապես համակողմանի գնահատված փաստարկներով առաջնորդվել Ucom-ի և գործատուների նկատմամբ դրսևորվող գործառույթներում ընդհանրապես, հաշվի առնելով տնտեսական և սոցիալական հետևանքները:

ՀԳՀՄ-ն ցանկանում է նաև նշել, որ Ucom-ը չի հանդիսանում ՀԳՀՄ անդամ կազմակերպություն և երբևէ չի ունեցել Ucom-ի հետ համագործակցություն որևէ ծրագրի շրջանակում: Սակայն անհրաժեշտ ենք համարում ՀՀ Կառավարության և համապատասխան պետական մարմինների ուշադրությունը սևեռել, որպեսզի առավելապես թագավարակի (COVID-19) ժամանակաշրջանում պահպանենք տնտեսական և սոցիալական հնարավոր պոտենցիալը:

ՀԳՀՄ-ի այս կոչը բխում է համընդհանուր շահերից և սոցիալական գործընկերության տրամաբանությունից:

Հարգանքով,
ՀԳՀՄ գրասենյակ»,- ասված է հայտարարության մեջ։