«Ահա և վերջ, այսօր սկսում ենք, Փաշինյան, արի». Ժիրայր Սեֆիլյան

Երկար ժամանակ մեր ժողովուրդը սպասում էր այս օրվան։ Այդ մասին այսօր՝ դեկտեմբերի 1-ին Ազատության հրապարակում «Նոր Հայաստան» շարժման հանրահավաքում հայտարարել է «Ընդդիմության միացյալ շտաբի» պետ Ժիրայր Սեֆիլյանը:

«Իշխանական վերնախավն իրեն դրսեւորել է որպես ոհմակ, եւ մենք գալիս ենք պատժելու այդ մարդկանց։ Եթե պետք լինի այստեղից ոչ ոք չի հեռանալու։ Մենք որտեղ ուզենք՝ հրապարակներ ենք սարքելու»,- հայտարարեց Սեֆիլյանը։

Նա նշեց երկու տարբերակ. կամ սպասում են մի շաբաթ, հետո որոշում, կամ հենց հիմա սկսում իշխանափոխությունը։ Հավաքված բազմությունը հավանություն տվեց, ինչից հետո Ժիրայր Սեֆիլյանը բղավեց. «Ընդդիմադիր ուժեր, տեսնում եք, թե ժողովուրդն ինչ է ուզում»։

Սեֆիլյանը հիշեց ընդդիմադիր ուժերին` կոչ արեց միանալ իրենց. «Նիկոլ Փաշինյան, սկսել ա, արի միացի»,- բղավեց նա, որին ժողովուրդն արձագանքեց. «Հիմա, հիմա»։ «Մենք չենք մոռացել մարտի 1-ը»,- ասել է ազատամարտիկը։