Թող ինձ դատեն, բանտում կսպրեմ, բայց երեխայիս չեմ տանի նման դպրոց. բժիշկ-սեքսոլոգը՝ Լանզարոտի կոնվենցիայի մասին

Բժիշկ-սեքսոլոգ Նարինե Ներսիսյանն իր ֆեյսբուքյան էջում գրառում է կատարել՝ անդրադառնալով ԱԺ-ի կողմից վավերացվելիք Լանզարոտիի կոնվենցիային։

Նա, մասնավորապես, նշել է.

«Եթե ինչ-որ մեկը մանկահասակ իմ երեխային դպրոցում «սովորեցնի», որ մարդն ունի սեռական կողմնորոշում, գենդեր եւ գենդերային ինքնություն, որ գոյություն ունեն սեռական բռնարարներ, սեռազգայական հպումներ, որ հղիությունը կարող է լինել անցանկալի ու կան դրանից ազատման «ապահով» եղանակներ ու էլի մի շարք նման էշություններ, ես ԿՀԱՆԵՄ իմ երեխային դպրոցից ու այլևս նրան այդ դպրոց չեմ տանի, որևէ դպրոց չեմ տանի, եթե դա պարտադիր լինի բոլոր դպրոցների համար։ Եթե դրա համար ինձ պիտի դատեն, զրկեն ծնողական իրավունքից, ազատազրկեն, ապա պատրաստ եմ դրան։ Կգնամ ու բանտում կապրեմ։

Հ.Գ. Ինձ ճանաչողները գիտեն, որ կանեմ, ինչ ասել եմ»։