Սեռական բռնությանն ու սեռական շահագործմանը կծանոթացնեն տարրական դասարանում սովորողներին

Հասարակությունը հազիվ էր մոռացել Ստամբուլյան կոնվենցիան ու այդ կոնվեցիայով մեզ պարտադրվող, մեր ազգային արժեհամակարգին հակադրվող արատավոր բարքերը, մեկ էլ այսօր կանգնեց մի նոր կոնվենցիա վավերացնելու խնդրի առաջ:

Չնայած Ազգային ժողովում այսօր պատգամավորների ծեծը և ջարդը շեղեց շատերի ուշադրությունն օրակարգից, սակայն մեր աչքից չվիրիպեց «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կամ Լանզարոտեի կոնվենցիան:

Կառավարությունն այս կոնվենցիան ներկայացրել է Ազգային ժողովի վավերացմանը: Ինչպես Ստամբուլյան կոնվենցիայում, այնպես էլ այս մեկում կան դրական բաներ, որոնք պետք են պետություններին Եվրոպայի խորհրդի անդամության համար, սակայն ինչպես Ստամբուլյան կոնվենցիայում, այնպես էլ այստեղ՝ կան կետեր, որոնք ուղղակի դեմ են հայկական մտածողությանն ու արժեհամակարգին:

Լանզարոտեի կոնվենցիայի կետերից մեկով այն վավերացնող պետությունները պարտավոր են երեխաների ուսուցման ընթացքում նրանց բացատրել, թե ինչ է սեռական բռնությունը կամ սեռական շահագործումը: Եթե Հայաստանը վավերացնի այս կոնվենցիան, ապա պետք է ձեռնարկի անհրաժեշտ օրենսդրական կամ այլ միջոցառումներ ապահովելու համար, որպեսզի երեխաները տարրական և միջնակարգ կրթություն ստանալու ժամանակ տեղեկանան սեռական շահագործման և սեռական բռնության հետ կապված վտանգի հետ:

Այս կոնվենցիայի այս կետին կողմ են Ազգային ժողովի «Իմ քայլը» խմբակցության պատգամավորները, այն պաշտպանում են այնպես, ինչպես պաշտպանում են Ստամբուլյան կոնվենցիան, իհարկե՝ առաջամարտիկի դերը ստանձնել է հայտնի սորոսական Մարիա Կարապետյանը, հետևաբար պարզ է, որ քաղաքական մեծամասնությունը կողմ կքվեարկի այս կոնվեցնիայի վավերացմանը՝ հերթական անգամ ական դնելով մեր պետականության, արժեհամակարգի տակ: Շնորհիվ քաղաքական մեծամասնության՝ տարրական դասարաններում սովորող աշխակերտները կծանոթանան սեռական բռնությանը, սեռական շահագործմանը, իսկ թե ինչպես՝ գիտեն միայն «Իմ քայլում»:

NewsPress.am