Շունը տիրոջը չի ճանաչում. գզվռտոց է ներսում

Բոլորիս աչքի առաջ փուլ է գալիս պետական կառավարման համակարգը: Մի կողմից ունենք արտակարգ դրություն ու, ի հեճուկս դրան, հարյուրավոր վարակակիր քաղաքացիներ, մյուս կողմից՝ Առողջապահության նախարար, կամ ոլորտի պատասխանաոտու Արսեն Թորոսյանի խուճապ տարածող հայտարարություն, թե վարակակիրների թիվն այս տեմպերով կհասնի 10 հազարի, իսկ երրորդ կողմում ՝ անգամ արտակարգ դրության ժամանակ աշխատելու ունակություն չունեցող ու ոլորտ տապալող պաշտոնյաներ:

Նիկոլ Փաշինյանն այսօր Աշխատանքից ազատեց սորոսական գրանտակեր էրիկ Գրիգրոյանին, որը զբաղեցնում էր Շրջակա միջավայրի նախարարի պաշտոնը: Թե ինչ սև կատու է անցել սորոսականների ու իշխանության միջև, դեռևս անհայտ է, սակայն պարզ է մի բան՝ սորոսականների սպասելիքները վարչապետը չի արդարացրել, ինչի վկայությունն է ՙՙԲաց հասարակություն–հիմնադրամներ Հայաստանի" տարածած այն հայտարարությունը, որտեղ խոսվում էր տապալված հեղափոխության մասին:

Հավանաբար Էրիկ Գրիգորյանը միակը չէ, որը լքեց իր նախարարի պաշտոնը, քանի որ հաշվի առնելով, որ Կառավարության կազմում սորոսականների թիվը զգալի է, սպասվում են նաև այլ պաշտոնանկություներ: Տարօրինակն այստեղ այն է, որ չնայած աշխարհի բոլոր երկրների կառավարությունները կորոնավիրուսի համավարակի օրերին միախմբվում ու դառնում են մեկ բռունցք, մեզ մոտ տեղի է ունենում ճիշտ հակառակը՝ գզվռտոց կառավարության ներսում:

Բայց նման գզվռտոցները պատահական չեն լինում, դրանք հենց փլուզվող բուրգի ու ճաք տված պատերի վառ դրսևորում են:

Այն որ կառավարությունում այս օրերին շունը տիրոջը չի ճանաչում, երեկվանից ակնհայտ դարձավ նաև Նիկոլ Փաշինյանի մեկը մյուսին հակադրվող որոշումների կայացմամբ:

Պետական վերահսկողական ծառայության պետի պարտականությունները կատարող Արգիշտի Քյարամյանը երեկ ազատվեց աշխատանքից ու նշանակվեց Քննչական կոմիտեի՝ հատուկ իր համար ստեղծված տեղակալի պաշտոնում, բայց առավոտյան Փաշինյանը չեղարկեց իր երեկվա որոշումը, Քննչական կոմիտեի պետի նորնշանակ տեղակալին աշխատանքից ազատեց ու նշանկեց արդեն Ազգային անվտանգության ծառայության տնօրեն:

Ինչ է սա, եթե ոչ կառավարության ներսում առկա քաոսի ապացույց: Ինչպես որոշումներ են կայացնում պաշտոնյաների հարցում, այդպես էլ երկիր են կառավարում այս համավարակի օրերին: Այս ոչ պրոֆեսիոնալ ու բան ու գործից անտեղյհակ լինելու արդյունքում է, որ Հայաստանը կորոնավիրուսի վարակաիրների թվով ԱՊՀ տարածքում դարձել է առաջատարը՝ այս հարցում հաղթելով Ադրբեջանին: Սա է մեր կառավարության ու պարետատան իրական պատկերը, որը ևս ունի մեկ նպատակ՝ փլուզել ամեն ինչ:
Փլուզման ու կործանման քաղաքականությունը հիմա էլ տեղափոխվել է Ազգային անվտանգության ծառայություն, որտեղ տնօրենի տեղակալ է նշանակվել մի մարդ, որն այդ ծառայությունից որևէ գաղափար չունի, չի եղել երբեք այդ համակարգում անգամ շարքային աշխատկցի դերում: ԱԱԾ տնօրենի տեղակալ է նշանակվել մի մարդ, ում անգամ անհարմար է լինելու հագնել ԱԱԾ-ականի համազգեստոը:

Սա ևս արվում է Ազգային անվտագության ծառայության նման լրջագույն կառույցը թուլացնելու ու հիքմերը խարխլելու համար:

NewsPress.am