Երբ ցանում ես թույն, հնձում ես սամասուդ

Վերջին օրերին Հայաստանում տեղի են ունենում մի շարք իրադարձություններ, որոնք վկայում են իշխանության անդունդը գլորվող վարկանիշի և փրփուրներից կառչած իշխանավորների մասին. գանք հերթով, նախ՝ վարչապետ Նիկոլ Փաշինյանն ուղիղ եթերով նախկիններին սամասուդ անելու մասին է հայտարարում, որից հետո սկսվում է հենց իր իշխանության սամասուդը:

Կառավարական առանձնատանն իրար են սամասուդ անում իշխանականները, հետո հաջորդ սամասուդը արձանագրվում է Գեղարքունիքի մարզում ու խլում մարդկային կյանքեր, իսկ երեկոյան սամասուդ է արվում Ազգային ժողովի փոխնախագահ, հայտնի մանիպուլյատոր Ալեն Սիմոնյանը:

Մեկը մեկին հաջորդող այս սամասուդները գալիս են ապացուցելու այն հայտնի ճշմարտությունը, որ ատելություն ու պառակտում սերմանողը հենց դա էլ քաղելու է ու հիմա եկել է քաղելու ժամանակը:

Նիկոլ Փաշինյանը քաղում է այն, ինչ սերմանել է երկու տարի անընդմեջ ցանել է: Ու եթե հիմա Հիսուս էլ դառնա, չի կարող անդունդը գլորվող անիվը կանգնեցնել: Ցավալի է, որ Նիկոլն այնտեղ միայնակ չի հայտնվելու, իր հետ կտանի իր խոսնակ Մանեին, որին հեղինակազրկեց այնպես, որ Մանեի համար Նիլոլից հետո կարիերա չի լինի, նա իր հետ կտանի այն ոստիկաններին, որոնք պատիվը մի կողմ դրած լծվել եմ հրահանգները կատարելու պարտականությանը, նա այնտեղ կտանի նաև այն մարդկանց հավատը, որոնք հույսեր կապեցին առանց իմանալու հանուն իշխանության բոլոր սրբությունները տրորելու նիկոլական հատկանիշները:

Վաղը սպասվում է վարչապետի հերթական լայվը, որտեղ նա կմեղադրին բոլորին՝ թալանչիներին, Սերժ Սարգսյանի մնացորդներին, Միքայել Մինասյանին, անգամ դրսում՝ իրենց համար զբոսնող փիսոներին, բայց ոչ երբեք իրեն ու իր թունավորված էությանը:

NewsPress.am