Իսկ դու ինչո՞վ ես տարբերվում քաղաքական տրյապկայից

Ազգային ժողովի փոխնախագահ Ալեն Սիմոնյանն այս երկու տարիների ընթացքում այդպես էլ չհասկացավ, որ խորհրդարանական երկրի թիվ մեկ ամբիոնը՝ խորհրդարանը, ինքնահաստատման տեղ չի, այդ ամբիոնից պետք է ունենալ միայն քաղաքական ելույթներ:

Հարկատուներիս հաշվին միլիոնների պարգևավճար ու ամեն ամիս 900 հազար դրամ աշխատավարձ ստացող այս երիտասարդն այդպես էլ չսովորեց քաղաքականությամբ զբաղվել ու քաղաքականության մակարդակն իջեցրել է էժանագին տասովչիկության մակարդակին, ինչով հավանաբար զբաղվել է տարիներ շարունակ հայտնի գործարարի գրպանից դուրս չգալով:

Ալենն այդպես էլ չկարողացավ անցյալը թողնել անցյալում ու իրենց իսկ կերտած չակերտավոր նոր Հայաստանում իրեն պահել նորովի, նոր քաղաքական գործչի պես:

Ցավալի է, բայց փաստ, Սիմոնյանն իր էժանությամբ նմանը չունի. եթե նախկին խորհրդարաններում մենք տեսել ենք ափռ-ցփռ խոսացող, երբեմն նաև անգրագետ պատգամավորների, բայց գոնե նրանք հրապարակավ չէին ծաղրում կնոջը, իրենց դա անել թույլ չէին տալիս, հիմա Ալենի դեպքում ամենավատն է. մենք գործ ունենք հակատղամարդ տեսակի հետ, իսկ երբ չկա տղամարդկություն, չկա նաև արժանապատվություն ու այլ կարևոր հատկանիշներ:

Ալեն Սիմոնյանն իր պահվածքով ջախջախեց նոր Հայաստանի նոր որակի խորհրդարանի մասին միֆը, հերքեց վարչապետ Փաշինյանին, թե այս խորհրդարանն իր որակով տարբերվում է նախկիններից լավ առումով:

Ալենը ապացուցեց, որ տարբերվում են իրենց էժանությամբ, քաղաքական զրոյական գրագիտությամբ, ամբարտավանությամբ ու մի շարք այլ վատ հատկանիշներով:

Անշուշտ Նիկոլն այսօրվա իր բուծած պատգամավորների վարքագծից ու ունեցած անբովանդակ ելույթներից ունի լուրջ հետևություններ անելու անհրաժեշտություն, իսկ Ալեն Սիմոնյանը պետք է մտածի ու փորձի գտնել հարցի պատասխանը, թե ո՞րն է իր ու քաղաքական տրյապկայի տաբերությունը:

NewsPress.am