«Քաղաքական տրյապկա, «հոգնած», «անբարոյականի վաստակ». Ալեն Սիմոնյան–Էդմոն Մարուքյան լեզվակռիվ. (տեսանյութ)

Ազգային ժողովում այսօր թեժ լեզվակռիվ ծավալվեց ԱԺ փոխխոսնակ Ալեն Սիմոնյանի և «Լուսավոր Հայաստան» խմբակցության ղեկավար Էդմոն Մարուքյանի միջև: Վերջիններս անցան անձնական վիրավորանքների։

Ալեն Սիմոնյանը, դիմելով ԼՀԿ պատգամավոր Անի Սամսոնյանին, ասաց, որ ներողություն է խնդրում, բայց չի պատասխանելու նրա հարցերին:

«Ես ամուսնացած եմ, առաջարկում եմ իմ մասին ավելի քիչ խոսել, դա տգեղ է դիտվում: Տպավորություն է, որ ձեզ մոտ ինչ-որ մանիա կա: Ես Ձեզ չեմ պատասխանելու, պատասխանելու եմ Ձեր փեշի hետևում պախկված Էդմոն Մարուքյանին»,- ասաց Ալեն Սիմոնյանը և նշեց, որ վերջինս մեկ Սամսոնյանին է խնդրում ելույթ ունենալ, մեկ Գորգիսյանին, քանի որ չի իջնում Իմ Քայլի մակարդակին, ելույթ չի ունենում:

«Դրա համար ես պատասխանելու եմ նրան։ Պատասխանելու եմ և ասելու եմ այն՝ ինչ մտածում եմ: Ես հասկանում եմ, նա ծանր տարավ, երբ ես Միքայել Մինասյանին՝ Միշիկին բան ասեցի, ոչինչ, տենց էլ է լինում: Բոլորս գիտենք:

Դուք թիմի մասին եք խոսում: Ես հիշեցի 2018 թվականի ապրիլի 16-ը, երբ շատերը մահանալուց պրծան: Ես Ձեզ գրում էի «ԵԼՔ» խմբակցության խմբի մեջ, խնդրում դուրս գալ փողոց երևանցիների համար, սակայն դուք դուրս չեկաք: Այդ ժամանակ Մարուքյանն այդպես ընդդիմության տեսիլք էր ստեղծում: Ես կպատմեմ շատ բաներ, որոնք գիտեմ, թե որտեղից է եղել»,-իր ելույթում ասաց Ալեն Սիմոնյանը, ինչին արձագաքնելով Անի Սամսոնյանն ասաց. «Մենք էլ կպատմենք»:

Էդմոն Մարուքյանը հակադարձեց «հոգնած», դիմելով Ալեն Սիմոնյանին:

«Հոգնածը դու ես, հանգստացի, քաղաքական տրյապկա»,- ասաց Սիմոնյանը:

Բանավեճին միջամտեց ԱԺ նախագահ Արարատ Միրզոյանը՝ կոչ անելով հանդարտվել:

«Քեզ քո բոյի չափով պահիր, այ քաղաքական տրյապկա»,- ասաց Ալեն Սիմոնյանը Մարուքյանին:

«Անբարոյականի վաստակ»,- տեղից ասաց Մարուքյանը:

«Չափիդ մեջ կմնաս սրանից հետո: Անբարոյականի վաստակը դու ես»,-ասաց Սիմոնյանը: