Ինչո՞ւ է Թորոսյանն աշխատանքից ազատում բազմաթիվ ինֆեկցիոնիստների, իսկ կառանտինում գտնվող մարդկանցով զբաղվում է անասնաբույժը. Մարինա Խաչատրյան

Ինչու՞ է Թորոսյանն աշխատանքից ազատում բազմաթիվ ինֆեկցիոնիստների, իսկ կառանտինում գտնվող ՄԱՐԴԿԱՆՑՈՎ զբաղվում ԱՆԱՍՆԱԲՈՒՅԺԸ (խոզերի գծով), ֆեյսբուքյան իր էջում գրել է Մարինա Խաչատրյանը և հավելել.

«Այսօր անասնաբույժների միջազգային օրն է, ինչի կապակցությամբ ես շնորհավորում եմ բոլոր անասնաբույժներին` խոզերի գծով անասնաբույժ Սպարտակ Երիբեկյանի գլխավորությամբ։

Բալորս լավ ենք հիշում Թորոսյանի «դինոզավրի գրիպը» և Փաշինյանի սպիրտով ախտահանած պինցետը, որով նրանք «պատերազմ» էին հայտարարել 1965 թվականի ծնունդ կորոնավիրուսին։

Այսօր ունենք հազարավոր վարակակիրներ, մեծ թվով ծանր ու ծայրահեղ ծանր վիճակում գտնվող բուժառուներ և բազում` կառանտինում գտնվող քաղաքացիներ։

Ստորև կցված տեսանյութում ՀՀ Առողջապահության նախարարի աթոռը զբաղեցնող անձը ներկայացնում է պարոն Սպարտակին (անասնաբույժ Սպարտակ Երիբեկյանն է), ով հետևում է Ծաղկաձորում մեկուսացված ՀՀ քաղաքացիների առողջությանը և ներկայանում որպես գլխավոր բժիշկ, համաճարակաբան (դմփ-դմփ-հու)։

Մի՞թե Հայաստանում այլևս չկան «մարդու բժիշկներ», թե՞ սա խոսում է իշխանությունների` ՀՀ ՀՊԱՐՏ ՔԱՂԱՔԱՑԻՆԵՐԻ նկատմամբ հատուկ վերաբերմունքի մասին։

Ավելին, խոզերի գծով անասնաբույժի հսկողության տակ են գտնվում ՀՂԻ ԿԱՆԱՅՔ։

Եզրահանգումները թողնում եմ ձեզ։

Հ.Գ. Այս ամենն ինձ հիշեցնում է Օրուելի հանրահայտ ստեղծագործությունը` խոզերի մասնակցությամբ։

Հ.Գ.2 Թորոսյանի թեթև ձեռքով փակվեցին ՁԻԱՀ կենտրոնն ու տուբերկուլյոզի դիսպանսերը, որտեղ աշխատում են ինֆեկցիոնիստներ, մարդու բժիշկներ։ Այդ բժիշկներին առաջարկվել է աման լվացողի կամ բեռնատարի վարորդի աշխատանք։ Իսկ մեր հայրենակիցների, նաև հղի կանանց առողջական վիճակի հսկողությունը վստահվել է անասնաբույժին։

Հ.Գ. Ըստ իմ մի քանի հավաստի աղբյուրների պարոն Երիբեկյանը պրոֆեսիոնալ է անասնաբուժության բնագավառում և բարձր որակով շարունակում էր իր հոր գործը։ Թե ինչու և ինչպես է նա անցել հղի կանանց հսկողության` առայժմ չեմ կարող ասել»։