Վանեցյանի բաջանաղը սաբոտա՞ժ է անում

Հանրային ծառայությունները կարգավորող հանձնաժողովն այսօր տեղեկացրել է, որ կոմունալ ծառայությունների դիմաց վճարման պարտավորությանների կատարմանը խոչընդոտող ֆորսմաժորը, սույն թվականի ապրիլի 22-ից համարվում է վերացած և «Գազպրոմ Արմենիա» ՓԲԸ-ն տեղեկացնում է բնակիչ-բաժանորդներին, որ 2020 թվականի փետրվար և մարտ ամսիներին մատակարարված բնական գազի, ինչպես նաև ներտնային համակարգի տեխնիկական սպասարկման ծառայությունների դիմաց վճարումները պետք է կատարվեն 3-օրյա ժամկետում:

Այս հայտարարությունը եթե ավելի մատչելի բացատրենք նշանակում է հետևյալը. պետական կառույցը հայտարարում է, որ կորոնավիրուսով պայմանավորված ֆորս մաժորը ավարտվել է, և բոլորս պետք կատարենք մեր կոմունալ վճարումները հակառակ դեպքում կմնանք անլույս և անգազ:

Ուզում ենք շեշտել, որ Հանրային ծառայությունները կարգավոող հանձնաժողովը նման հայտարարություն է անում այսօր, երբ կորոնավիրուսի համաճարակի ներթափանցոմից հետո, այսօր մեր երկրում գրանցվել է 72 վարակի նոր դեպք, մեկ էլ նման բարձր ցուցանիշ ունեցել ենք մի քանի օր առաջ՝ 90-ից ավելի:

Համավարակի ինտենսիվության այս ցուցանիշը բացահայտ ցույց է տալիս, որ չնայած երկրում արդեն երկու ամիս է հայտարարված է արտակարգ դրություն, սակայն մենք ունենք ոչ թե վարակի տարածվածության տեմպերի նվազում, այլ աճ ու հենց այստեղ է, որ անհասականալի է դառնում այս սահմանափակումների իմաստն ու նշանակությունը:

Վարչապետն իր հերթին է մտնում ուղիղ եթեր ու ասում, որ եթե տեմպը չնվազի, մենք կունենանք անվերահսկելի իրավիճակ, հետո նույնը կրկնում է առողջապահության նախարար Արսեն Թորոսյանը, բայց արի ու տես, որ համավարակի տեպմի այս ահագնացող թվերի վրա Հանրային ծառայությունները կարգավորող հանձնաժոովը ուղղակի թքած ունի և հայտարարում է, որ ֆորսմաժորը վերացել է:

Դե եթե վերացել է, ապա թույլատրեք մարդկանց դուրս գալ աշխատանքի և չսպասել կառավարության ողորմածությանն ու աջակցության ծրագրերին, որոնք բաշխվում են փնթի ու շատ անհամաչափ, ու հացի կարոտ շատ ընտանքիներ դրա շահառու այդպես էլ չեն կարողնում դառնալ:

Եթե երկրում ֆորսմաժորն ավատված է, ապա վազվանից բոլորս պետք է գնանք աշխատանքի:

եթե այդ մասին պարետը համապատասխան որոշում չհրապարակի, ինչպե՞ս կարող է նման կարևոր կառույցը նման անպատասխանատու հայտարարություն անել: Եթե չի վերացել, ուրեմն մենք գործ ունենք Նիկոլ Փաշինյանի ասած պետական համակարգի սաբոտաժի հետ, ու չնայած իրենց կոչերին, որ խստացոււմները պետք է պահել, հայտնվում է մի պետական կառույց ու ասում՝ ո՛չ, այդպես չէ:

Հիմա ի՞նչ, Արթուր Վանեցյանի բաջանա՞ղն է Նիկոլ Փաշինյանին սաբոտաժ անում: Եթե վաղը ՀԾԿՀ-ի այս հայտարարությանը հետևեն հարյուրավոր քաղաքացիներ, ու համարեն ֆորսմաժորն իրենց համար ավարտված է, դուրս գան փողոց, ո՞վ է պատասխան տալու վարակի նոր օջախներ ստեղծելու համար. ՀԾԿՀ-ն, թե՞ քաղաքացին:

ՀԾԿՀ-ի այս հայտարարությունը հերթական անգամ ի ցույց է դնում այն, որ ո'չ Կառավարությունում, ո՛չ պարետատանն աջ ձեռքը չգիտի ձախ ձեռքն ինչ է անում, իսկ այս փնթիությունն իր կաշվի վրա ամեն վայրկյան զգում է ՀՀ քաղաքացին ու տնտեսությունը:

NewsPress.am