ԱԻՆ համակարգում 5 աշխատակից վարակվել է կորոնավիրուսով

ԱԻՆ տրանսպորտային միջոցներով՝ ավտոբոս, միկրոավտոբուս, տեղափոխվել է 855 կոնտակտավոր, որից 28-ին տեղափոխել են երեկ Նորաշեն համայնքից։ Այդ մասին ասուլիսի ժամանակ ասաց Արտակարգ իրավիճակների նախարարի տեղակալ, օպերատիվ շտաբի պետ Արմեն Հարությունյանը։

Նա նշեց, որ ընդհանուր առմամբ ԱԻՆ փրկարար ծառայության ճգնաժամային կառավարման ազգային կենտրոնը ստացվել է 1107 ահազանգ կորոնավիրուսով պայմանավորված, որից 609-ը կորոնավիրուսի վարակի վերաբերյալ, 498 զանգ՝ քաղաքացիների բարձր ջերմության վերաբերյալ, հոգեբական աջակցության է ցուցաբերվել 411 քաղաքացու:

«Մինչ այս պահը ԱԻՆ ողջ համակարգում ունեցել են վարակման 5 դեպք, 3-ը այս պահին բուժվում են, 2-ն արդեն ապաքինվել են արդեն, կոնտակտավոր ծառայակիցներ՝ 42 աշխատակիցներ, մեկուսացման մեջ են»,-ասաց Արմեն Հարությունյանը:

Նա նշեց, որ իրենց աշխատակիցներն օրական երեք անգամ բուժզննում են անցում, ջերմաչափվում են։ Բոլոր այն աշխատակիցները, որոնք կորոնավիրուսի դեմ պայքարում հատկապես ցուցաբերել են նախաձեռնողականություն, կատարել են իրենց գործառույթներից ավելի գործառույթներ, ովքեր երբեմն ծառայել են առանց հանգստի` պարգևատրվում են։ Արդեն ունեն պարգևատրվածներ։