Որտեղ է տղամարդու թասիբն ու ինչ գործով է Ջիվանիկը հասել Արցախ

Երևանից Արցախի նախագահ Բակո Սահակյանի գլուխը քարով ջարդելու կոչ արած Ջիվանիկն այս օրերին հասել է Արցախ, որի նախագահը նույն Բակո Սահակյանն է:

Ջիվանիկն այնտեղ է «գործուղվել» հատուկ նպատակով: Նրա առաջ նրան բնորոշ ձևով խնդիր է դրված էժանագին շոուներ ապահովել և Հայաստանում տեղի ունեցած հեղափոխության կրկնությունն անել նաև Արցախում:

Քանի որ Ջիվանիկն իրեն Հայաստանում սպառել է, և որևէ մեկը նրան մեր երկրում լուրջ չի վերաբերվում, անգամ՝ իրեն վճարողները, ապա վերջինս փորձել է այս անգամ օգտագործվել Արցախում: Հավանաբար օգտագործման ձևերի և եղանակների մասին խորհուրդները նա ստացել է ՀՀ վարչապետից և Արցախ մեկնել մարտի 31-ին կայանալիք նախագահի և Ազգային ժողովի ընտրություններից մի քանի օր առաջ:

Ըստ մեր տեղեկություններ՝ նրան Արցախ են հրավիրել նախագահի թեկնածուներից Մասիս Մայիլյանը և նրա ջերմեռանդ աջակից Սամվել Բաբայանը:

Ջիվանիկը հասել է Արցախ՝ արցախցիներին վրաններ սարքելու ձևերը սովորեցնելու և հեղափոխական տեքստեր ասելու համար: Իհարկե, ինչպես Հայաստանում նա արժանացավ զրոյական ուշադրության, նույնը տարատեսակ ծառայություններ մատուցող այս տղային սպասվում է նաև Արցախում, որովհետև ով ով, բայց արցախցին առանց Ջիվանիկի էլ շատ լավ գիտի վրան խփելու և վրանի մեջ ապրելու բոլոր նրբությունները և թույլ չի տա որևէ մեկին ինքնահաստատվել ու օգտագործել իրեն ընդդեմ պետության, էլ չենք խոսում հեղափոխությունն Արցախ հասցնելու մասին:

Այն, որ Մասիսի Մայիլյանն ու Սամվել Բաբայանը դարձել են մոլի սորոսական և այլևս նրանց համար առաջնային է Սորոսն ընդդեմ Արցախի կարգախոսը, վաղուց պարզ է, բայց որ թեկնածուներից Արայիկ Հարությունյանը Ջիվանիկի արցախյան գործունեության հետ կապված մինչ այս պահը պահպանում է լռություն, արդեն դառնում է տարօրինակ:

Հարց է առաջանում՝ ինչո՞ւ է լռում Հարությունյանն այն դեպքում, երբ Արցախում հիմա փորձում են իր քաղաքական հակառակորդները գործոն դարձնել մի մարդու, ով Արայիկ Հարությունյանի երբեմնի ղեկավարի գլուխը ժամանակին քարով ջարդելու կոչեր էր անում:

Լավ, մի՞թե իշխանատենչությունն ու ամեն գնով իշխանությանը հասնելը Հարությունյանի մեջ մեռցրել է տղամարդկային թասիբն ու արժանապատվությունը:

Եթե մենք սխալվում ենք, ապա Արցախի նախագահի թեկնածու Արայիկ Հարությունյանի ջիվանական էժան շոուների արձագանքը չպետք է ուշանա, իսկ եթե այն չլինի, ուրեմն պետք է ընդունենք՝ տղամարդկային թասիբի կորուստ ունենք:

Իսկ պետք է Արցախին տղամարդկային թասիբի բացակայությամբ երկրի նախագահ: Սա հարց է, որի մասին արցախցիները պետք է լուրջ մտածեն:

Արիանա Հովսեփյան

NEWSPRESS.am-ի հիմնադիր-տնօրեն