«Կպահեն օրենքի մեջ` գթասրտությամբ կմոտենանք». Վլադիմիր Գասպարյան (տեսանյութ)

Նոյեմբերի 30-ին ոստիկանության պետ Վլադիմիր Գասպարյանն անցկացրել է օպերատիվ խորհրդակցություն: Անդրադառնալով զինված հանցախմբի՝ օրերս տեղի ունեցած վնասազերծմանը՝ նա նշել է, որ ԱԱԾ –ի և ոստիկանության հատուկ ստորաբաժանումները իրենց առջև դրված խնդիրը հրաշալի են կատարարել:

Վլադիմիր Գասպարյանն անդրադարձել է նաև հանրության որոշ խմբերի այն պնդումներին, թե վնասազերծումը ընդամենը կազմակերպված շոու է եղել.« Էտ տղաները, մահն աչքերի առաջ, իրենց անձը զոհաբերելով, իրենց երեխաների ապագան զոհաբերելով, մտել են մի որջ , հլը դեռ ծաղրում են՝ շոու են կազմակերպել, երևի ձեր տեսակով շոու կազմակերպողներ եք, իսկ ԱԱԾ-ն և ոստիկանությունը շոուներ չեն կազամակերպում, սադրիչներ չեն պահում: Սադրիչներ նրանք են պահում, ովքեր խոսում են խաղաղությունից: Խաղաղ ամեն ինչից ես վախենում եմ»,-ասել է նա:

Ըստ ոստիկանապետի՝ խաղաղությունից խոսողը ինքն է պատերազմի պատրաստվում: Վլադիմիր Գասպարյանն անդրադարձել է նաև «Նոր Հայաստան» հանրային փրկության ճակատի ներկայցուցիչների ոստիկանության հետ հանդիպելու կոչերին՝ հանձնարարելով հանդիպել և անկեղծ խոսել, բացատրել օրենքը:

«Էս փոքր երկրում չի կարելի հանդուրժել խժդժություններ, ավելի լավ է մուլտիկներ հանեն, քան թե կռիվ- կռիվ կազմակերպեն ոստիկանության հետ , թող թյուրիմացության մեջ չգցեն ոչ ոքի իրենց արկածախնդրությամբ , դա պետք ա հասկացանել, պետք ա սաստել , կպահեն օրենքի մեջ` գթասրտությամբ կմոտենանք , չեն պահի օրենքի մեջ կլինենք շատ խիստ, կտրուկ, արագ»-եզրափակել է Վլադիմիր Գասպարյանը:

Մանրամասները` տեսանյութում