«Արյունահեղություն չենք ուզում». Ժիրայր Սեֆիլյան (տեսանյութ)

«Եզրագծին ենք մոտենում, հասնելու ենք մեր նպատակին` կարճաժամկետ նպատակն է ռեժիմի հեռացումը, որից հետո կքննարկենք անցումային կառավարություն ստեղծելու հարցը»,- այսօր լրագրողների հետ հանդիպման ժամանակ հայտարարեց «Նոր Հայաստան» հանրային փրկության ճակատի միասնական ընդդիմության շտաբի պետ Ժիրայր Սեֆիլյանը:

Նա հիշեցրեց, որ վաղվանից սկսվում են շուրջօրյա հանրահավաքները, մարզերից եկող մարդկանց Ժիրայր Սեֆիլյանը վստահեցրեց, որ կարող են լուծել տրանսպորտի խնդիրը, նաև անհրաժեշտության դեպքում` գիշերակացի հարցը:

Ժիրայր Սեֆիլյանը նաև հիշեցրեց, որ իրենք քարոզարշավն իրականացրել են հանրաքվեն կանխելու և «ռեժիմին» հեռացնելու քարոզով: Ժիրայր Սեֆիլյանը նաև ոստիկանությանը զգուշացրեց, որ չհամարձակվեն խոչընդոտել մարդկանց ազատ տեղաշարժվելու իրավունքը: Միևնույն ժամանակ նա նկատեց, որ ոստիկանությունը մինչ այժմ իրեն «կոռեկտ»է պահել:

Ըստ Սեֆիլյանի` հասարակությունն իր համախմբումն ու համերաշխությունը դեկտեմբերի 1-ից ցույց կտա. «Ազգովի փողոց ենք դուրս գալու, էլի ասեմ` արյունահեղություն չենք ուզում»:

Ընդդիմության միասնական շտաբի պետը նաև ասաց, որ դեկտեմբերի 1-ը նմանեցնում է 2008թ-ի մարտի 1-ին, սակայն համոզված է, որ դեկտեմբերի 1-ից հետո դեկտեմբերի 2 է լինելու:

Մանրամասները տեսանյութում` քիչ ուշ: