Քրեական հետախույզները թմրամիջոցների իրացման դեպք են բացահայտել (տեսանյութ)
Օրերս ոստիկանության Երևան քաղաքի վարչության քրեական հետախուզության բաժնում օպերատիվ տեղեկություններ էին ստացվել, որ մայրաքաղաքի բնակիչ երկու եղբայր պահում և օգտագործում են թմրամիջոց։
Ոստիկանության ԵՔՎ ՔՀԲ ավագ օպերլիազոր Գարիկ Մակարյանի խոսքով՝ իրավապահները իրացնելով ստացված տեղեկությունը, ճշտեցին եղբայրների ինքնությունն ու գտնվելու վայրը. «Նույն օրը նրանց, իրենց մեքենայով հանդերձ, Մոլդովական և Բագրևանդի փողոցների խաչմերուկից կասկածանքով բերման ենթարկեցինք ոստիկանություն»։
33-ամյա տղամարդու մոտ հայտնաբերվեցին հոգեներգործուն դեղահաբի կտոր և արնանման հետքերով, օգտագործված ներարկիչ։ 30-ամյա տղամարդու մոտ ևս հայտնաբերվեց հոգեներգործուն կես դեղահաբ։
Եղբայրները հայտարարեցին, որ հայտնաբերվածը թմրամիջոց է, պահել են օգտագործելու համար։
«Շարունակեցինք օպերատիվ-հետախուզական միջոցառումները։ Կասկածներ ունեինք, որ մեկ այլ անձ, նույնպես այդ հատվածում, պարբերաբար գնում է թմրամիջոց։ Փետրվարի 14-ին Մոլդովական փողոցից, թմրամիջոց պահելու և օգտագործելու կասկածանքով, ոստիկանություն բերման ենթարկեցինք 52-ամյա մի տղամարդու»։
Նրա անձնական խուզարկությամբ հայտնաբերվեցին հոգեներգործուն կես դեղահաբ ու կանեփի սերմեր։ Ըստ բերման ենթարկվածի՝ հայտնաբերվածը թմրանյութ է և իր օգտագործման համար է։
Ոստիկանները ձեռնարկեցին միջոցառումներ՝ պարզելու, թե բերման ենթարկված տղամարդիկ ումից են ձեռք բերել թմրամիջոցը։ Պարզվեց, որ նրանք թմրամիջոցները գնել են Բագրևանդ փողոցում։ Ճշտվեց նաև թմրանյութն իրացնողի ինքնությունը. նույն փողոցի 47-ամյա բնակիչ էր։
Փաստի առթիվ հարուցվեց քրեական գործ և փետրվարի 17-ին խուզարկություն կատարվեց 47-ամյա տղամարդու տանը։
Հայտնաբերվեցին տարբեր տեսակի հոգեներգործուն 20-ից ավելի դեղահաբ և սպիտակ փոշենման զանգված։
Տան բակից հայտնաբերվեցին սպիտակ զանգվածով ներարկիչ, շագանակագույն զանգված և տարբեր գրառումներով հոգեներգործուն 59 դեղահաբ։
«Տանտիրոջ խոսքով՝ հայտնաբերվածը թմրամիջոցներ են։ Նրան, թմրամիջոցներ պահելու, օգտագործելու և իրացնելու կասկածանքով, բերման ենթարկեցինք ոստիկանություն»։
Բերման ենթարկվածի անձնական խուզարկությամբ հայտնաբերվեց շագանակագույն թմրամիջոցի նմանվող զանգված։ 47-ամյա տղամարդը նշեց, որ հայտնաբերվածը հերոին է։
Երևանի 47-ամյա բնակիչը ներկայացվեց քննչական բաժին և ձերբակալվեց։
Նշանակվել են փորձաքննություններ։
Հարուցված քրեական գործի քննությունը շարունակվում է։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
