Մարտիմեկյան երթ և արյան հաշվին ուժի ցուցադրում

Մոտենում է Մարտի 1-ի ողբերգության հերթական տարելիցը, որը հերթական անգամ դառնալու է մարտիմեկյան ողբերգությունների ժամանակ կարևոր դերակատարում ունեցած և վիքիլիսյան գաղտնի փաստաթղթերի համաձայն բողոքող քաղաքացիներին անհնազանդության կոչեր արած Փաշինյան Նիկոլի համար սեփական վարկանիշը չափելու հիմնական միջոց:

Անցյալ տարի հեղափոխական առաջնորդը որոշեց ցույց տալ իր ուժն ու դժբախտության վրա դիվիդենտներ հավաքելով մարտիմեկյան երթ կազմակերպեց ցույց տալով այդ ողբերգությանը զոհ դարձած ընտանիքների հարազատներին, որ Փաշինյան Նիկոլը բացահայտել է տալու սպանությունների հեղինակներին ու նրանց կանգնեցնելու դատարանի առաջ:

Ինչ իմանային հարազատ կորցրած սգավոր մարդիկ, որ իրենց ցավի վրա խաղալու են, որ այդ ցավը պետք է ոմանց սեփական ամբիցիաները բավարարելու համար, իսկ իրենք օգտագործվելու են որպես գործիք, որպես դրոշ, որը այս իշխանության պահեստային տարբերակն է դարձել բոլոր անելանելի իրավիճակներում. այո, եթե գործ չենք անում, կարող ենք մատը դնել ցավացող վերքի վրա ու այն սեղմել այնքան ժամանակ, քանի դեռ ցավատերը հավատում է, որ իրեն 30 մլն դրամով չեն գնել, քանի դեռ այդ ցավատերը հավատում է, որ իր զավակին կրակողը կանգնելու է դատարանի առաջ: Ու քանի դեռ կա այդ հավատը, Նիկոլը երթ կանի, ճառեր կասի, կհիշի նախկիններին, մատ թափ կտա թալանչիների վրա, կխոստանա ամեն ինչ, կխոստանա, բայց չի գործի:

Իսկ երբ Նիկոլը սպանի այդ հավատը, այն ժամանակ նրան չի փրկի ոչ դիակների վրա ուժի ցուցադրությունն ոչ էլ մարտիմեկյան դժբախտությանն արժանացած ընտանիքներին միլիոններ փոխհատուցելը. այդ ժամանակ զոհերի արյունն առնել չի լինի ու հենց այդ ժամանակ է, որ տասը զոհերի հարազատները կբացահայտեն ողջ ճշմարտությունը խաբեության, ստի և ուրիշի դժբախտության վրա իշխանությունն ատամներով պահող հակահերոսի մասին:

NewsPress.am