Հասարակությու´ն, քաղաքացի´, Պողո´ս արթնացի´ր… Յո՞ երթաս… Ռուբեն Հակոբյան

Այս հանցագործությունների դեմ պայքարողներին` «շնաբարո վնգստացող դուրսպրծուկներ» անվանող պետության թիվ մեկ ղեկավարի այս ուղերծն ու անձնական հարցերը վարչապետավարի լուծելու բանաձեւն է իր հետ բանակ տանում զինվորը… Փամփուշտների հետ փամփուշտակալում լցնում է նաև գերագույն-գլխավորի կողմից փաթեթավորված թույնը, ատելությությունն ու չարությանը։ Այս մասին ֆեյսբուքյան իր էջում գրել է «Վերնատուն» ակումբի անդամ, քաղաքական վերլուծությունների «Ակունք» կենտրոնի տնօրեն Ռուբեն Հակոբյանը:

Գրառման մեջ, մասնավորապես, ասվում է.

«Հասարակությու´ն, քաղաքացի´, Պողո´ս արթնացի´ր… Յո՞ երթաս…

Ընդամենը 48 օրերի ընթացքում 12 սպանությունների եւ ինքնասպսնությունների աննախադեպ շարան Հայոց բանակում… Եվ այս ողբերգությունը հայրենիքիդ սահմանր պահող զինվորի գնդակից, սեփական տանը, զինակցից…

Բանակը հասարակության մեջ տիրող բարքերի, հարաբերությունների, տրամադրությունների իրական հայելին է: Իսկ այսօր այդ հայելու արտացոլանքը պրկված է վերջին մեկ ու կես տարվա ընթացքում հասարակության մեջ կուտակված աննախադեպ թույնով, ատելությամբ, չարությությամբ: Այո´, աննախադեպ… Ամենօրյա ռեժիմով գերագույն-գլխավորի կողմից ատելությամբ հնչեցրած` ասֆալտին փռելու, պատերով տալու, թաթիկները կտրելու հրահանգ- հրովարտակը, իրեն ոչ հնազանդ-խամաճիկ դատավորներին վնգստացող, իսկ Սահմանադրական դատարանի նախագահին` պահապան շուն անվանաող, դատարանները քրեական ենթամշակույթի ձեւաչափով շրջափակող, իսկ այս հանցագործությունների դեմ պայքարողներին` շնաբարո վնգստացող դուրսպրծուկներ անվանող պետության թիվ մեկ ղեկավարի այս ուղերծն ու անձնական հարցերը վարչապետավարի լուծելու բանաձեւն է իր հետ բանակ տանում զինվորը… Փամփուշտների հետ փամփուշտակալում լցնում է նաեւ գերագույն-գլխավորի կողմից փաթեթավորված թույնը, ատելությությունն ու չարությանը: Ե՞վ… 48 օրերի ընթացքում 12 սպանված եւ ինքնասպանված… Սա ընդամենը հետեւանք է, պատճառը` զորակոչվողի հետ ուղարկված այդ մահաբեր ծանրոցն է…

Ատելությամբ պրկված ներկա մթնոլորտը ստեղծողին ու սնուցողին ճանաչելով, հաճախ եմ ինքս ինձ հարց տալիս` լա´վ, որտեղից այս մարմնի մեջ այդքան չարություն, ատելություն, թույն, սադիզմ.. Արդեն մարսե՞լ է իր իսկ կողմից հրահրած մարտի մեկի 10-ը երիտասարդների արյունը… Բավարարված չէ՞…Չհագեցա՞վ…

Հ.Գ. Չնայած, պատմությանը հայտնի են դեպքեր, երբ հոգեկան որոշակի շեղումներ ունեցող կերպարներ, իրենց դիվային ցանկություններին հագուրդ տալով, այրել են քաղաքներ ու տաճարներ, սանձազերծել համաշխարհային պատերազմ…»։