ՍԴ-ն ցրում եք, որ Ստամբուլյան կոնվենցիան վավերացնեք. Հրայր Թովմասյանը «մհանա» է

Այլևս ոչ ոքի համար գաղտնիք չէ, որ իշխանությունը «կյանքի գնով» պատրաստ է ազատվել ՍԴ կազմից, գլխավորապես՝ ՍԴ նախագահ Հրայր Թովմասյանից: Սրա հիմնական պատճառները երկուսն են: Առաջինը Հրայր Թովմասյան անձն է, ով վերջին շրջանում գրիչի հայտնի պատմությունից հետո պատճառ դարձավ Փաշինյանի վարկանիշի սրընթաց անկման, շատ դեպքերում էլ քաղաքավարությունը որպես քծնանք ներկայացնելը ծաղրի ենթարկվեց: 

80 տոկոս խփած Փաշինյանը սա, բնական է, մարսել չէր կարող, և երկրի անխտիր բոլոր խնդիրները թողած՝ Հրայր Թովմասյանի հեռացումը դարձավ օրախնդիր: 

Բայց դա, այսպես վայրենաբար Թովմասյանի վրա հարձակվելու միակ առիթը չէ: Կա երկրորդ ու ավելի կարևոր պատճառը ՍԴ-ն ցրելու, որի մասին թերևս ամենից քիչն է խոսվում: Թեկուզ հանրաքվեով ՍԴ ներկայիս կազմը ցրելուց հետո, ի հայտ է գալու վերջերս լռեցված ու իշխանությունների Աքիլեսյան գարշապար Ստամբուլյան կոնվենցիան: Երբ Սահմանադրական դատարանում կմնան արդեն իշխանության սրտի դատավորներ Վահե Գրիգորյանն ու Արման Դիլանյանն ու կհաստատեն՝ Ստամբուլյան կոնվենցիան որևէ կերպ չի հակասում ՀՀ Սահմանադրությանը: 

Եվ ահա՝ խնդիրների տակ ճկռած Փաշինյանի իշխանությունը մեծ գումարներ կստանա իբրև դրամաշնորհ, որպեսզի դպրոցներից սկսած քարոզչություն իրականացնի այն մասին, որ կինը և տղամարդը հավասար են, որ կինը մարդ է և հանգիստ իրավունք ունի մեկ այլ կնոջ սիրել ու նրա հետ ամուսնանալ, որ կինը պարտավոր չէ տանը մնալ ու երեխայի խնամել. դա կարող է և պարտավոր է անել ամուսինը: Որ մարդը մարդ է, մարդը կին չէ, կամ տղամարդ: Մի խոսքով՝ հայ ավանդական ընտանիքի մոդելի «հերն անիծելու» համար նեոիշխանականները «մեշոկներով փող» կստանան ու այդ գնով կփորձեն ինչ-որ խնդիրներ լուծել թանկացումների տակ, հարկայինի ձեռքում, չորսբոլորը «գործ տվողների» շրջապատում, երթուղայինի մեջ, մի խոսքով՝ ամենուրեք ճկռած հանրության խնդիրները: 

Ահա Հրայր Թովմասյանի հեռացումն ու ՍԴ ներկայիս կազմը ցրելն է այն գինը, որը վճարվելու է Կոնվենցիան վավերացնելու դիմաց:

Իսկ պողոսների ականջներից շարունակելու են լապշա կախել, թե Հրայր Թովմասյանի մասին մանկապարտեզում անգամ գիտեն, որ նա վատ մարդ է, և եթե նա հեռանա, Հայաստանի իշխանությունում այլևս «բոբոներ» չեն լինի: Լապշա կկախեն, ինչպես այն ժամանակ կախեցին ու Ազգային ժողովը շրջափակել տվեցին, թե ԱԺ-ն է խանգարում ներդրումներին: ԱԺ կազմը հիմնովին փոխվեց, իսկ ներդրումներն այդպես էլ չեղան: Պատմությունը կկրկնվի, եթե բանը հասնի հանրաքվեին. պողոսները կգնան, հոտ դարձած կվազեն առաջնորդի հետևից ու երբեք էլ իրենք իրենց հարց չեն տա, թե քանի խնդիր կարելի էր լուծել հանրաքվեի վրա անելիք ծախսերի փողով՝ քարոզարշավ, ահռելի ռեսուրսներ, հանձնաժողովների անդամների աշխատավարձեր, քվեաթերթիկներ: Չմանրանանք... 

ԱՐԻԱՆԱ ՀՈՎՍԵՓՅԱՆ
NEWSPRESS.am-ի հիմնադիր տնօրեն