«Դուխով» գլխարկի վրա ինքնահաստատվելու դառը պտուղները

Բախտի բերմամբ Ազգային ժողովի փոխնախագահի աթոռին բազմած Ալեն Սիմոնյանն այսօր Ազգային ժողովում հոխորտում է Էդմոն Մարուքյանի վրա, թե գտեք ձեզ, բայց ոչ մեր հաշվին։

Սիմոնյանի տոնայնության կտրուկ փոփոխությունը պայմանավորված էր իր քաղաքական կնքահոր «դուխով» գլխարկով, դա հասկանալի և անվիճելի է։

«Դուխով» գլխարկն իհարկե Սիմոնյանի ձայնին հնչեղություն էր տվել, բայց անհասկանալի մնաց, թե այդ ի՞նչ ունի Ալենը, որի հաշվին որևէ մեկը կարող է կայանալ։
Արդյոք Ալենը անցել է քաղաքական այնպիս ճանապարհով, որի հաշվին կարելի է կայանալ, իհարկե՛ ոչ։

Արդյոք Ալենը իր գիտակից կյանքում հոգով-սրտով ատել է հանրապետականներին, դարձյալ իհարկե ոչ։

Արդյոք հետևից գրկվող Ալենը ունի տղամարդուն բնորոշ այնպիսի հատկանիշներ, որոնք կարելի է կրկնօրինակել ու դրանց վրա ինքնհաստատվել, թողնում ենք հանրության դատին։

Արդյոք Ալենը այն սկզբունքային քաղաքական գործիչն է, որի սկզբուքներին կարելի է նախանձել ու ինքնահաստատվել, իհարկե ոչ. չէ՞ որ նա ունի խորտակվող նավն առաջինը լքելու մեծ փորձառություն, իսկ դա ապացուցում է Աշոտյան-Սիմոնյան նամակագությունը։
Այսքան «իհարկե ոչ»-երից հետո հարցական է մնում՝ լավ ում մոտ կարող է առաջանալ ցանկություն ինքնահաստատվելու քո վրա, ով ես դու քո անցած կյանքով, որ կարող ես որևէ մեկի համար ինքնահաստատման օջախ դառնալ, մի հատ ետ նայիր ու տես կա կգտնես գոնե մեկին, որ քո գոյության այս ողջ ընթացքում քո վրա ինքնահաստատվելու ցանկություն է ունեցել։

Փոխարենը դու ես, որ աջ ու ձախ ինքնահաստատվում ես, պատրաստ ես անընդհատ դա կրկնել ու քեզ համար կապ չունի ինքնահաստավում ես մարդկային բարձր որակներ ունեցող, թե չունեցողների վրա, սկզբունքներ կրողների, թե դրանք մերժողների վրա, քեզ համար դա այնքան կապ չունի, որ դու ինքնահաստատվում ես անգամ գլխարկի վրա, որի վրա գրված է «դուխով», ընդամենը մեկ անբովանդակ բառ և ուրիշ ոչինչ։

NewsPress.am