«Վիրավորական է». Փաշինյանն Արշակ Զաքարյանի համալիրում սկանդալ է սարքել, թե դուք զինվորի հացն եք ուտում (տեսանյութեր)

Հայ կինոռեժիսոր, սցենարիստ, հասարակական գործիչ Արշակ Զաքարյանը անդրադարձել է Հհ վարչապետ Նիկոլ Փաշինյանի հերթական  «մոնիպուլիացիաներին»:

Զաքարյանը ֆեյսբուքյան իր էջում հրապարակել է տեսանյութ, որտեղ պատմում է, որ վարչապետն ու իր ընտանիքը հեղ եղել է իրեն պատկանող, Արցախում հիմնած համալիրում և սկանդալ է սարքել` ՀԴՄ-ի պատճառով:

Զաքարյանը նկատում է, որ երբեք հարկերից չի խուսափել և միշտ տրամադրել են ՀԴՄ կտրոն, սակայն այդ պահին ՀԴՄ սարքը չի աշխատել, ու թեև Փաշինյան դա բացատրել են և խնդրել սպասել մի քիչ, քանի որ այդ պահին Արշակյանը, իմանալով սարքի անսարքության մասին, մեկ այլ ՀԴՄ տրամդրող սարքով մոտենալիս է եղել, սակայն Փաշինյանը բոլորի ներկայաությամբ բարձրաձայն հայտարարել է, թե` դուք զինվորի հացն եք ուոտում...

Արշակ Զաքարյանն իր տեսանյութում, անդրադառնալով միջադեպին, նկատում է, որ ինքը այս հարցի մասին չէր խոսի, ու այսպես թե այնպես կվճարի տուգանքը, քանի որ դա օրենքն է պահանջում, բայց նրա համար վիրավորական է, որ Փաշինյանը իրեն մեղադրել է զինվորի հացը ուտելու մեջ:

«Չեմ ուզում ցածրանալ և պատմել, թե ինչեր եմ արել զինվորների համար, ուղղակի դեպքի հետ կապված ուզում եմ ասել, որ այստեղ մի քանի անգամ եկել է սնվելու վարչապետի որդին` իր թիկնապահներով, այստեղ անընդհատ գալիս են զինվորներ ու բոլորը կարող են ասել, որ բոլոր զինվորականներին մեզ մոտ զեղչեր են արվում: Ի դեպ, այդ օրն էլ, վարչապետի ընտանիքնի համար 10% զեղչ է արվել, քանի որ նրանց հետ զինվոր է եղել»,-ասում է Արշակ Զաքարյանը:

Բացի այդ, նա նկատում է, որ միայն հիմարը կարող է մերժել տրամադրել ՀԴՄ կտրոն, և վարչապետը պետք է հասկանար, որ իրեն չեն խաբում ու սարքն այդ պահին չի աշխատում, այնինչ մոնիպուլատիվ մեթոդի է դիմել և բոլորի ներկայությամբ ինչ որ սկանդալ է սարքել:

«Նման ցածր հայտարարություն անելը` աշխատողների և այլ այցելուների ներկայությամբ, դա վիրավորանք է և մոնիպուլիացիա, իսկ եթե դուք դա անում ենք, որ խաթարեք մեր բիզնեսը, ապա ասեմ` դուք ի սկզբանե ձախողված եք»,-ասաց Զաքարյանը:

Այս տեսանյութից հետո արձագանքները տարբեր են եղել, և շատերին թվացել է, թե Արշակ Զաքարյանն իսկապես փորձել է խուսափել տուգանք վճարելուց, ինչին իր հերթին արձագանքելով, Արշակ Զաքարյանը նկատում է, որ ինքն արդեն վճարել է տուգանքը, հարցը այդ գումարը չէ, այլ այն, որ իրեն անվանել են զինվորի հաց ուտող: