Գլխավոր ֆեյքապետը երկրի վարչապետն է. Բաբկեն Հարությունյան (տեսանյութ)

Ժողովրդի իշխանություն ասելով` մարդիկ եկան իշխանության ու մոռացան, որ իրենց քայլերում հաշվետու են ժողովրդին: Այս մասին մամուլիս ասուլիսի ժամանակ ասաց «Հանրային վերահսկողության կենտրոն» ՀԿ նախագահ Բաբկեն Հարությունյանը:

Նա նկատում է, որ իրենց կազմակերպություն, որպես Հանրային վերահսկողության կենտրոն, պարզապես փորձում է պարզել, թե ուր են գնում գումարներն ու ինչի դիմաց են տրվում պարգևավճարները, մինչդեռ իրենց պատճաշ պատասխաններ չեն տալիս:

Բաբկեն Հարությունյանը նկատում է, որ այս գործելաոճն ավելի շատ նախկին իշխանությանն էր համահունչ, երբ դիմում ես պետական կառույցներին որևէ հարցով և քեզ չեն պատասխանում:  Բաբկեն Հարությունյանը նկատում է, որ նախկինները թեկուզ լղոզված, բայց ինչ-որ պատասխաններ տալիս էին, իսկ այս իշխանությունն ընդհանրապես չի արձագանքում:

Նա նշում է, որ հարցում է ուղարկել Հանրային կապերի տեղեկատվության ՊՈԱԿ-ի, կամ ինչպես Բաբկեն Հարությունյանն է որակում, ֆեյքերի ֆաբրիկայի ֆերմային:

«Ես ստիպված էի զգուշացնել գլխավոր ֆեյքապետին` Հովհաննես Մովսիսյանին, որ չպատասխանելու դեպքում կդիմեմ դատարան` դատական հայցով, որից հետո ներկայացված 7 հարցից ի վերջո միայն 2-ին են պատասխանել` այն էլ ոչ լիարժեք».-ասում է Բաբկեն Հարությունյանը:

Միևնույն ժամանակ նա նկատում է, որ Ֆեյսբուքում ատելության քարոզները, որոնք վիրավորում են նույնիսկ ընտանիքների անդամներին, հաջորդ իշխանության ժամանակ պատասխանատվության են ենթարկվելու:

«Հովհաննեսն իրականում գործադիր ֆեյքապետն է, իսկ գլխավոր ֆեյքապետը երկրի վարչապետն է` Նիկոլ Փաշինյանը»,-ասաց Հարությունյանը:

Մանրամասները` տեսանյութում