Պատգամավորներին կզրկեն

Հայաստանի կառավարության ղեկավար Նիկոլ Փաշինյանի անձնական վարկանիշը շարունակում է անկում ապրել, ինչը անհնար է, որ Փաշինյանը չգիտակցի:

Այդ վարկանիշի անկմանը նպաստեց գրիչի պատմությունն ու դրան հաջորդած անբովանդակ ֆեյսբուքյան ուղիղ եթերը: Իհարկե, այդ խայտառակությունը ծաղկեցրեց Ալեն Սիմոնյանը` հանրությանը պատմելով, թե ինչպես են իրեն գրկել հետևից:

Այս ամբողջ պատմությունից հետո իշխանությունը հասկացել է, որ վարկանիշը սրընթաց անկում է ապրում, իսկ քանի որ Ազգային ժողովի իր քաղաքական մեծամասնությունը տրոհված է մասերի, ուրեմն չի բացառվում, որ իր թիմից քվեարկեն իրեն վարչապետի աթոռից ցած գլորելու մասին նախագծին կողմ:

Պարզվում է, որոշել են օրենքում փոփոխություն կատարել և պատգամավորներին զրկեն խմբակցությունից հրաժարվելուց հետո անկախ պատգամավոր մնալու հնարավորությունից:

Իշխանությունը գնում է դրան, քանի որ չի բացառվում, ու Արման Բաբաջանյանի պես քայլարածներից շատերը դառնան անկախ պատգամավոր ու այն ժամանակ, երբ խորհրդարանում հայտնվի վարչապետի այլ թեկնածուի մասին նախագիծ, սեփական թիմակիցներն առաջինը կսեղմեն հայտնի կոճակը, իշխանությունը դա պետք է կանխի, ինչն էլ պատրաստվում է անել:

Եթե իշխանությունը գնում է սրան, նշանակում է սեղանին է դրել իր վերջին խաղաքարը ու հենց այստեղ է, որ Փաշինյանին չի փրկելու ոչ ֆեյսբուքի ուղիղ եթերները, ոչ էլ տասը անգամ խմբագրված աննախադեպ սխալ թվերով լեցուն գրառումները:

NEWSPRESS.am