«ՎիվաՍել-ՄՏՍ»-ում բաժնետերեր են փոխվել. Ֆատուշ եղբայրների բաժնեմասը՝ MTS-ին. Civilnet.am

Հայաստանում բաժանորդների թվով առաջատար «ՄՏՍ Հայաստան» ՓԲԸ (ապրանքանիշը՝ «Վիվա-ՄՏՍ») բաժնետերերի շղթայում 2019-ի օգոստոսին փոփոխություն է տեղի ունեցել։ Այդ մասին տեղեկանում ենք ընկերության բաժնետերերի վերաբերյալ կիպրական և լյուքսեմբուրգյան ռեգիստրերի փաստաթղթերի ուսումնասիրությունից. գրում է Civilnet.am-ը

«ՄՏՍ Հայաստան» ՓԲԸ-ի բաժնեմասերի վերջին փոփոխությունները եղել էին 2018-ի հունվարին։ Հանրային ծառայությունները կարգավորող հանձնաժողովի որոշումից տեղեկանում ենք, որ «ՄՏՍ-Հայաստան»-ի 99 տոկոս բաժնեմասի տիրապետող «ԿՏ (հոլդինգ) ՍԱԼ» ընկերությունն իր բաժնետոմսերն օտարել է «Արամայո ինվեստմենթս լթդ» ընկերությանը։ Իր հերթին 2019-ին «Արամայո ինվեստմենթս լթդ»-ի բաժնետեր է է դարձել Լյուքսեմբուրգում գրանցված Allegretto holding SARL ընկերությունը, որի բաժնեմասի արժեքը գերազանցում է 632 միլիոն եվրոն։

«Արամայո ինվեստմենթս լթդ»-ում 2017-ին Allegretto holding SARL-ի բաժնեմասը կազմել է 80 տոկոս։ Մնացյալ 20 տոկոսը պատկանում էր լիբանանցի գործարարներ Պիեռ և Մուսա Ֆատուշ եղբայրներին։

Փաստաթղթերի ուսումնասիրությունը ցույց է տալիս, որ Ֆատուշ եղբայրները վաճառել են ընկերության իրենց 20 տոկոս բաժնեմասը, և Allegretto holding SARL-ը դարձել է «Արամայո ինվեսթմենթս լթդ»-ի միանձնյա բաժնետերը։ Allegretto holding SARL-ի բաժնետերը ռուսական MTS ընկերությունն է, որի խոշոր շահառուներից (բենեֆիցիարներից) է ռուս միլիարդատեր Վլադիմիր Եվտուշենկովը։

Մանրամասները՝ սկզբնաղբյուր կայքում