Ամանորի՝ ոստիկանության ուժեղացված ծառայության արդյունքները (տեսանյութ)
Դեկտեմբերի 21-ից ոստիկանությունն անցավ ուժեղացված ծառայության։ Նպատակը նախատոնական ու տոնական օրերին քաղաքացիների և զբոսաշրջիկների անվտանգությունն ապահովելն էր։
Նախատոնական օրերին ոստիկանության պարեկապահակետային ծառայողները, ճանապարհային ոստիկանները, ոստիկանության զորքերի ծառայողներն ու քրեական հետախույզները ուժեղացված ծառայության շրջանակներում մարդաշատ վայրերում, առևտրի կենտրոններում, շուկաներում ու հարակից վայրերում էին։
Տոնական օրերին, մասնավորապես Ամանորի գիշերը, ինչպես սպասվում էր, մեծ թվով զբոսաշրջիկներ ու քաղաքացիներ Հանրապետության հրապարակում էին։
Ոստիկանության գրեթե բոլոր ստորաբաժանումների ծառայողները հրապարակում, հարակից փողոցներում իրականացրին ուժեղացված ծառայություն։ Եվ ուրախությամբ կարող ենք փաստել, որ տոնական միջոցառման ընթացքում որևէ լուրջ միջադեպ կամ պատահար տեղի չունեցավ։
Հասարակական կարգի և քաղաքացիների անվտանգության պահպանմանը ոստիկանության պարեկապահակետային ծառայողներից զատ, ներգրավված էին նաև ոստիկանության զորքերի, կրթահամալիրի և այլ ստորաբաժանումների ծառայողներ։ Հատուկ ծառայություն իրականացրին նաև ոստիկանության օպերատիվ ստորաբաժանումների աշխատակիցները։
Այս օրերին ծանրաբեռնված էր նաև ճանապարհային ոստիկանների աշխատանքը։
Մայրաքաղաքում և մարզերում ճանապարհային ոստիկանները հայտնաբերեցին բազմաթիվ օրինախախտ վարորդների։ Հատուկ ուշադրության կենտրոնում էին ոչ սթափ վիճակում գտնվող, արագությունը գերազանցող և երթևեկության մյուս մասնակիցների նկատմամբ բացահայտ անհարգալից վերաբերմունք դրսևորող վարորդները։
Հայտնաբերված բոլոր օրինախախտները ենթարկվեցին վարչական պատասխանատվության, որոշ դեպքերում էլ մեքենաները տեղափոխվեցին ճանապարհային ոստիկանության պահպանվող հատուկ տարածք։
Նախատոնական, տոնական ու հետտոնական օրերին ոստիկանության ծառայողները, մասնավորապես՝ քրեական հետախույզները, բացահայտեցին սպանության, ավազակային հարձակման, մարմնական վնասվածքների, ծեծի, նաև լռության կանոնների խախտման դեպքեր։
Ուժեղացված ծառայության ավարտից հետո էլ ոստիկանությունը շարունակելու է ողջ ծավալով իրականացնել օրենքով սաhմանված բոլոր գործառույթները՝ հասարակության ու քաղաքացիների անվտանգությունն ապահովելու համար։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
