Բա ա՛յ սրիկա, Քոչարյանի համար էլ միացիր Բակո Սահակյանին ու Արկադի Ղուկասյանին․ բա քո բարոյականությունն ո՞ւր մնաց․ Շանթ Հարությունյանը՝ Փաշինյանին (վիդեո)

«Ցեղակրոն» կուսակցության նախագահ Շանթ Հարությունյանի կարծիքով՝ վարչապետ Նիկոլ Փաշինյանը սխալ է անում, որ Ռոբերտ Քոչարյանին պահում է բանտում։ Այդ մասին նա հայտարարեց լրագրողների հետ հանդիպման ժամանակ։

Շանթ Հարությունյանը չի ասում, թե գործը պետք է կարճել, բայց վստահեցնում է, որ ավելի ճիշտ կլինի, եթե խափանման միջոցը փոխի և դատաքննությունն ընթանա՝ նրան ազատ արձակելուց հետո։

«Իմ համար, որպես հայ մարդ, ամոթ է, երբ Փաշինյանին հարցնում են, թե ինչի՞ Խաչատուրովին բաց թողեցիր, ասում է՝ Լուկաշենկոն ու Նազարբաևը միջնորդեցին, բա չասե՞մ՝ ա՛յ սրիկա, Քոչարյանի համար էլ միացիր Բակո Սահակյանին ու Արկադի Ղուկասյանին: Էդ էլ քո միջնորդությունն արա, ասա՝ Քոչարյային էլ ես եմ ազատում: Խի՞ Նազարբաևը և Լուկաշենկոն կարան մեր երկրում մարդ ազատեն, քո երկրում միանում ես իրանց, բայց քո ղարաբաղցի ղեկավարությանը չես միանում, բա քո բարոյականությունը որտե՞ղ մնաց»,-նշեց նա:

Շանթ Հարությունյանը չի ընդունում նաև տեսակետը, թե Քոչարյանին ազատ չեն արձակում, քանի որ նա վտանգ է ներկայացնում։ Բանախոսը հիշեցնում է, թե ինչպես էին ժամանակին նույն պատճառաբանությամբ հալածում Չարենցին։ Շանթ Հարությունյանի գնահատմամբ, այդ ամենն ընդամենը «կռուտիտ» է, որպեսզի իրենց արդարացնեն։

Նրա կարծիքով, եթե ՌԴ նախագահ Վլադիմիր Պուտինը կամենար՝ Ռոբերտ Քոչարյանը չէր ազատազրկվի։

«Պուտինը դիտմամբ չի միջամտել, որ Քոչարյան բոլոր այդ բանտերով անցնի ու գա իշխանության»։

Մանրամասները՝ տեսանյութում