ՀՅԴ երիտասարդները դադարեցնում են նստացույցն ու նախարարին հրավիրում հրապարակային քննարկման (տեսանյութ)
ԿԳՄՍ նախարարության շենքի առաջ 15 օր նստացույց անող ՀՅԴ երիտասարդական միության անդամները դադարեցնում են նստացույցը։ Այս մասին նրանք հայտարարեցին այսօր՝ նոյեմբերի 22–ին, նախարարության առջև հրավիրած ասուլիսին,- հայտնում է news.am-ը։
«Մենք մտածում ենք, որ նստացույցով դրված խնդիրը այս պահի դրությամբ լուծված է, և երկուշաբթի օրվանից հետո այլևս կարիք չկա նստացույց անել»,– ասացին նրանք։
ՀՅԴ երիտասարդները կսպասեն, մինչև նախարար Արայիկ Հարությունյանը կվերադառնա արտասահմանյան գործուղումից, որից հետո նրան հրավիրում են հրապարակային բաց քննարկման։
«Մենք սիրով պատրաստ ենք մեր պահանջների բավարարման շուրջ ունենալ հրապարակային քննարկում Արայիկ հարությունյանի հետ։ Հրաժարականի պահանջն ուժի մեջ է, մինչեւ այլ հայտարարություն չլինի»,– ասացին նրանք։
Հնարավոր քննարկման մասին լրացուցիչ կտեղեկացնեն ֆեյսբուքյան էջով։
Նրա խոսքով՝ իրեն հեղափոխական հռչակած իշխանությունը քայլ չի կատարել խնդիրները լուծելու համար. «Առաջարկվող բոլոր փոփոխությունները հարվածել են հայագիտական բլոկին եւ չեն անդրադարձել խորքային խնդիրներին։ Այս ֆոնին դպրոցներից հայոց եկեղեցու պատմություն առարկայի դուրս բերումը եւ պատմություն առարկայի հետ միավորումը, բուհական ծրագրերից հայագիտական բլոկի առարկաների՝ հայոց պատմության, հայոց լեզվի եւ հայ գրականության ոչ պարտադիր դարձնելը եւ ֆինանսավորումները նեղ խմբի ճաշակ արտահայտող առաջնահերթություններին չսպասարկող ֆինանսավորումները լցրել են մեր համբերության բաժակը»։
Նշենք, որ ՀՅԴ երիտասարդական միության անդամները 15 օր նախարարությունների շենքի մոտ նստացույց էին անում՝ պահանջելով ԿԳՄՍ նախարար Արայիկ Հարությունյանի հրաժարականը։ Նրանց խոսքով՝ հրաժարականի պահանջն ունի բազմաթիվ պատճառներ, հիմնականում նշելով նախարարության վարած քաղաքականությունը, հատկապես վերջին շրջանում նախարարության տրամադրած ֆինանսավորումները տարբեր մշակութային միջոցառումներին։ Բողոքի ալիքն ավելի մեծացավ Երեւանի Հանրապետության հրապարակ կայարանի մոտ տեղի ունեցած «Հուզանք ու Զանգ» ներկայացումից հետո, որի համար նախարարությունը 2 միլիոն 700 հազար դրամ դրամաշնորհ էր տրամադրել։
Նրանք նաեւ բողոքում են «Բարձրագույն կրթության եւ գիտության մասին» օրինագծի դեմ։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
