Չենք թողնի, որ իշխանությունները փակուղուց դուրս գան

Կարմիր քարտ քաղաքացիական նախաձեռնությունը առաջիկայում պայքարի նոր փուլ կմտնի: Այս մասին newspress.am-ի զրույցում նշեց նախաձեռնության անդամ Փայլակ Թևանյանը. «Նախնական ասեմ, որ պատրաստվում ենք նաև դասադուլեր իրականացնել: Այսօր հասարակությանը հուզող առաջնային խնդիրները` սոցիալական հարցերի հետ են կապված: Մոնոպուլիաների պատճառով սոցիալական խնդիրները խորանում են, պետք է պայքարենք, որպեսզի մոնոպոլիան վերանա: Գիտենք, որ երկարտև ու դժվար պայքար է լինելու»,- ասաց նա:

Փայլակ Թևանյանը նշեց, որ որոշել են հենց այս ժամանակահատվածում պայքարել, որովհետև այս շրջանում իշխանությունները պատրաստ են ցանակացած քայլի, զիջումների, որպեսզի կարողանան սահմանդրական փոփոխությունների հանրաքվեին իրենց համար անհարժեշտ «այո»-ի ձայները հավաքեն. «տուպիկի մեջ են, չենք թողնի, որ տուպիկից դուրս գան, մեզ էլ կոտրել չեն կարող»,- ասաց նա:

Ըստ Փայլակ Թևանյանի՝ թեև իրենք այժմ պայքարում են շաքարի, այլյուրի, էլեկտրաէներգիայի ու բենզինի գների իջեցման համար, սակայն ցանկացած պահի, եթե հասարակական պահանջը լինի, կընդլայնեն պայքարի վեկտորը:

Մանրամասները՝ տեսանյութում