Նահանջի տեղ չունենք․ ուզում են՝ Վենետիկից գան, ուզում են՝ լուսնից իջնեն․ Պետրոսյանը՝ Ստամբուլյան կոնֆենցիայի մասին (տեսանյութ)
ԵԽ ներկայացուցիչները ՀՀ Ազգային ժողովում անցկացնում են փակ քննարկում՝ Ստամբուլյան կոնվենցիայի վավերացման թեմայով:
«Բարգավաճ Հայաստան» խմբակցության պատգամավոր Գևորգ Պետրոսյանը դուրս գալով ԱԺ շենքից՝ լրագրողների հետ զրույցում հայտարարեց, որ չնայած քննարկումը գաղտնի էր, սակայն իրենց խմբակցությանը հաջողվել է տեսակետ հայտնել։
«Մենք նահանջի տեղ չունենք»,-հայտարարեց Պետրոսյանը՝ հավելելով, որ հանձնաժողովի անդամները որևէ համոզիչ փաստարկ չներկայացրեցին, թե ինչու մենք պետք է վավերացնենք Ստամբուլյան կոնվենցիան:
«Մեր համար կարևորը մեր երկրի ու մեր ժողովրդի շահն է»,-ասաց նա։ Գևորգ Պետրոսյանը ներկայացրեց նաև, թե ինչ հարցեր են առաջ քաշել և տվել հանձնաժողովի անդամներին, որոնց հիմնավոր ոչ մի պատասխան վերջիններիս կողմից չի հնչել
«Բոլորս էլ հարցեր բարձրացրեցինք․ հարցրեցինք, թե ՀՀ օրենսդրության այդ ո՞ր նորմն է բացակայում բռնությունները պատժելու հարցում, որ դրա բացակայությունը կարող է լրացվել բացառապես կոնվենցիայով: Ոչ մի պատասխան չհնչեց:
Իմ հաջորդ հարցը, ասում եմ՝ հարգելի գործընկերներ, դուք ունե՞ք տվյալներ, գոնե մեկ դեպք ՀՀ-ում, որ ասենք, ենթադրյալ բռնության ենթարկված կինը դիմել է ոստիկանություն կամ դատախազություն եւ քրգործի հարուցումը մերժվել է բռբնության համար պատասխանատվություն նախատեսող նորմի բացակայության պատճառով: Դարձյալ պատասխան չհնչեց:
Ես նաև ասացի, հարգելիներս, ձեր երկրներում կա՞ վիճակագրություն, թե կոնվենցիան վավերացնելուց հետո ընտանիքում բռնությունների ինչպիսի դինամիկա կա: Էլի որևէ պատասխան չհնչեց»,-ասաց Գևորգ Պետրոսյանը:
Նրա խոսքով, ընդհանրապես ոչ մի հիմնավոր փաստարկ չհնչեց հանձնաժողովի կողմից։
Գևորգ Պետրոսյանը նկատեց, որ հանձնաժողովի ներկայացուցիչներին նաև տեղեկացրել են, որ հարյուրավոր քաղաքացիներ դեմ են կոնվենցիայի վավերացմանը և ակցիաներ են իրականացնում ու եթե կոնվենցիան ընդունվի, փաստացի դեմ կգնան վարչապետի հայտարարությանը, թե երկիրը ժողովրդավարական է ու ամեն բան ժողովուրդն է որոշելու։
Ըստ Պետրոսյանի, հանձնաժողոը եկել է ստուգելու մեր տրամադրվածությունը։
«Նրանք իմանալով, որ մեր երկրում դեմ են կոնվենցիային, եկել են երևի մեզ համոզեն, որ մենք էլ մեր հերթին համոզենք ժողովրդին, բայց մենք ավանդապաշտ ժողովուրդ ենք, ու եթե դա չի ընդունվում մեր արժեքների մեջ՝ ուզում է Վենետիկից գան, ուզում է՝ լուսնից իջնեն»,-եզրափակեց Պետրոսյանը։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
