Երևանում Mercedes-ը վրաերթի է ենթարկել փողոցում գծանշում իրականացնողներին, ապա բախվել «Ֆորդին» (ֆոտո)

Երեւանում, այսօր՝ հոկտեմբերի 25-ին, վրաերթ –ավտովթար է տեղի ունեցել. ժամը 00:30-ի սահմաններում Երեւանի բնակիչ, 35-ամյա Վարուժան Վ.-ն իր վարած Mercedes մակնիշի 001 AA 09 համարանիշի ավտոմեքենայով Իսակովի 24 հասցեի՝ «Փորձաքննությունների ազգային բյուրո» պետական ոչ առեւտրային կազմակերպության դիմաց, վրաերթի է ենթարկել 2 հետիոտնի, այնուհետեւ առաջ ընթանալով՝ բախվել ճանապարհի թույլատրելի հատվածում կայանված Ford մակնիշի 12 QQ 100 համարանիշի ավտոմեքենային:

Shamshyan.com-ի հաղորդմամբ, վրաերթ-վթարի հետեւանքով 2 հոգի մարմնական վնասվածքներով տեղափոխվել են հիվանդանոց:

Աղբյուրի տվյալներով, վրաերթի ենթարկվածները աշխատում են «Գծանշում» ՊՈԱԿ-ում եւ իրենց գործընկերների հետ նշված հատվածում երթեւեկությունը կարգավորող նշաններ էին տեղադրում եւ կատարում գծանշման աշխատանքներ, իսկ բախման հետեւանքով հատուկ սարքավորման մեջ լցված ներկը հարվածից լցվել էր աշխատակիցների վրա, այդ թվում՝ դեմքներին:

Հետաքննիչի հանձնարարականով Mercedes-ը տեղափոխվել է Երևանի ՃՈ պահպանվող հատուկ տարածք:

Նյութն ամբողջությամբ՝ սկզբնաղբյուր կայքում։