Ինչպիսի՞ն կլինեն զոմբիների ապրումներն այս գիշեր

Այս գիշերը փաշինյանական ֆան ակումբի և զոմբի զանգվածի համար մի քիչ կլինի սովորականից ավելի անհանգիստ, կարելի է ասել՝ բազմաթիվ հարցականներով լի։

Պատճառն արտաքին չէ։ Ավելին, նման անհանգիստ գիշեր անցկացնելու պատճառը հենց Նիկոլ Փաշինյանն է, ավելի կոնկրետ՝ նրա՝ նախարար-փոխնախարարների աշխատավարձի բարձրացնելու գաղտնի որոշումը։

Զոմբի զանգվածի ներկայացուցիչներն այսօր, մինչև քնելը, թերևս կբացեն կիսադատարկ սառնարանների դռները, կնայեն խղճուկ տեսարանից, որ կբացվի իրենց առաջ, ապա կգնան, կնստեն համակարգիչների առաջ, կամ սմարթֆոնը կվերցնեն իրենց ձեռքը ու կուզենան ապրել այն ոգևորությունը, որը իրենց «փոքրիկ ֆյուրերին» պաշտպանելիս են ունենում։

Սակայն ստամոքսի բնաձայնությունները կհուշեն որ քաղցած են, բայց ուտելու բան չկա, կամ գրեթե բան չկա, ու տրամադրություն այլևս չի մնա մասնակցելու «արգանդների օծմանն ու սեռական օրգանների պաշտամունքին»։ Հետո կհիշեն, թե ինչպես էր ԱԻ նախարար Ֆելիքս Ցոլակյանը փորձում «վայիս լինել» Հայաստանում ծառայություն իրականացնող ռուս զինվորականների՝ բարձր թոշակ հայկական պետությունից ստանալու հնարավորությանը կառավարության նիստում, հայտարարելով, թե հայկական կողմը ինչու տա դա, անկախ միջպետական պայմանագրից, երբ նրանք իրենց երկրում արդեն բարձր թոշակ ստանում են /տերդ մեռնի գիտություն ու դա ասում է խորհրդային ԿԳԲ-շնիկը/, մոռանալով, որ հուլիսից իր աշխատավարձը կրկնակի ավելացվել է այն էլ գաղտնի։

Ու այսպես հուսահատ կամ գրեթե հիասթափված, նրանք կգնան քնելու, հույսով, որ իրենց սիրելի վարչապետը գոնե վաղը, կամ գուցե մյուս օրը կհիշի նաև իրենց։

Իրականում, սակայն, այն ինչ իմացավ հասարակությունն այսօր խայտառակություն էր։ Գաղտնի բարձրացնել աշխատավարձներ, ինչը ուղիղ կերպով ասել է, թե թքել թափանցիկության, հաշվետվողականության ու զոմբիների ճակատին։ Ամեն ինչ չափազանց սովետական կարգեր է սկսել հիշեցնել։ Մնում է, որ իշխանավորներին անվճար կաթ ու երշիկի տալոն էլ բաժանեն ու վերջ։

Յակոբ Բերգեր