Իրավիճակը թույլ է տալիս ենթադրել «վերևի ազդեցության» ստեղծած քաոսի մասին. ՄԻՀԿ
«Մարդու իրավունքների հակակոնֆլիկտային կենտրոնի» հիմնադիր-նախագահ, իրավապաշտպան Կարապետ Պողոսյանը ֆեյսբուքյան իր էջում գրել է.
«Մարդու իրավունքների հակակոնֆլիկտային կենտրոն» իրավապաշտպան հասարակական կազմակերպությունը ստացել է նույնաբովանդակ բողոքներ այն մասին, որ Հայաստանի Հանրապետության մի շարք դպրոցներում վերջին մեկ տարվա ընթացքում օրենքի կոպիտ խախտումներով կատարվել են դպրոցների կոլեգիալ կառավարման մարմինների՝ խորհուրդների կազմերի փոփոխություններ:
Մասնավորապես, դպրոցների Խորհուրդների կազմերում փոփոխություններ կատարվել են այդ դպրոցներում տնօրենների թափուր պաշտոնները զբաղեցնելու համար մրցույթներ հայտարարվելուց հետո մինչև մրցույթների ավարտն ընկած ժամանակահատվածում այն դեպքում, երբ «Հանրակրթության մասին» Հայաստանի Հանրապետության օրենքի 11-րդ հոդվածի 4-րդ մասի համաձայն՝ Խորհրդի անդամի լիազորությունները սույն հոդվածի 3-րդ մասի 1-4-րդ կետերով սահմանված հիմքերով չեն կարող դադարեցվել տնօրենի պաշտոնի թափուր տեղի համար հայտարարված մրցույթի օրվանից մինչև տվյալ մրցույթի ավարտը:
Այս գործընթացը համատարած բնույթ է կրում, այլ է, քան մեկ կամ երկու դեպքերով վրիպումը, ուստի չի կարող միայն որպես օրենքի սխալ ընկալման արգասիք դիտվել:
Ակնհայտ է առնչությունը մինչև տնօրենների թափուր պաշտոնները զբաղեցնելու համար հայտարարված մրցույթների ավարտի և Խորհուրդների կազմերում հապճեպ փոփոխությունների կատարման միջև: Իրավիճակը թույլ է տալիս ենթադրել «վերևի ազդեցության» ստեղծած քաոսի մասին:
Մի՞թե Հայաստանի Հանրապետության սահմանադրությամբ ամրագրված «Հայաստանի Հանրապետությունն իրավական պետություն է» և «Պետական և տեղական ինքնակառավարման մարմիններն ու պաշտոնատար անձինք իրավասու են կատարելու միայն այնպիսի գործողություններ, որոնց համար լիազորված են Սահմանադրությամբ կամ օրենքներով» դրույթներն անկատար են հովանավորչության ազդեցության տպավորությամբ:
Այո, քանի որ Խորհուրդների կազմերում կատարված փոփոխությունները չափազանցված են անօրինականության համատեքստում և վտանգում են հանրակրթության բնագավառի զարգացումը` որպես անհատի և հասարակության անվտանգության և կայուն զարգացման ապահովման, հայ ինքնության պահպանման կարևոր երաշիք։
«Արցախցիները երբեք չեն մոռանում այն մարդկանց, ովքեր ամենադժվար օրերին եղել են իրենց կողքին». Հայտարա...
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
«Ուժեղ Հայաստան» դաշինքի ցուցակից 105 թեկնածու ինքնաբացարկ է հայտնել
Reuters-ը անդրադարձել է Գագիկ Ծառուկյանի ձերբակալությանը
Միջպետական ճանապարհի դիմաց Ադրբեջանի մեծ դրոշ են տեղադրել. «Հրապարակ»
Տասնյակ սպորտսմեններ սոսկայով սնվել են Գագիկ Ծառուկյանի ձեռքից ու ոչ ոք ծպտուն չհանեց, բացի մեկից, ...
Տիգրանի կողմից փրկվածը 2018 թ֊ին նույն վայրում փրկվել է նաև Նաիրա Զոհրաբյանի կողմից
Կյանքից հեռացել է Արտաշես Ալեքսանյանը
«Հրապարակ». Արթուր Ալեքսանյանը չէ իր հեռախոսին պատասխանողը, Նազիկ Ավդալյանը կարող է միայն սպորտից խո...
Լռության գինը․․․
