Անջիգյար փրկարարը իսկական փրկարարի կողքին անելիք չունի (տեսանյութ)
Հոկտեմբերի 4-ին տեղի ունեցավ ԱԻ նախարար Ֆելիքս Ցոլակյանի մամուլի ասուլիսը, որը նպատակ ուներ ամփոփել նախարար Ցոլակյանի պաշտոնավարման մեկ տարին:
Նախարար Ցոլակյանը նշեց, որ անցած մեկ տարվա ընթացքում առաջնորդվել է բացառապես ԱԻՆ համակարգի, աշխատակիցների, ժողովրդի և Հայաստանի Հանրապետության շահերով:
2019 թվականի ինն ամիսների ընթացքում ԱԻՆ ճգնաժամային կառավարման ազգային կենտրոնի կողմից սպասարկվել է 1 404 731 զանգ, որի արդյունքում ԱԻՆ ստորաբաժանումներն իրականացրել են 22 516 ելք՝ նախորդ տարվա 18 522-ի փոխարեն:
2019 թվականի ընթացքում գրանցվել է 8509 հրդեհի դեպք, որը նախորդ տարվա համեմատ ավել է 3031-ով:
Կառավարության հետ համատեղ աշխատանքի արդյունքում լուծվել են համակարգի առջև ծառացած անլուծելի թվացող մի շարք խնդիրներ:
Հաջողվել է մարել նախորդ տարիներից կուտակված վառելիքի պարտքը և հասնել նրան, որ հանրապետության՝ անգամ ամենածայրամասային հրշեջ-փրկարարական ջոկատները ստանում են օրենքով հասանելիք վառելիքը ամբողջ ծավալով, և մինչև հաջորդ տարվա փետրվար ամիսը նախարարությունն ապահովված է վառելիքաքսուքային անհրաժեշտ նյութերով:
Վերջնականապես լուծվել է փրկարար ծառայողների համազգեստի հարցը: Փրկարարներն օրենքով սահմանված կարգով, տարեկան երկու անգամ ստանում են նոր, որակյալ և ավելի մատչելի գնով ձեռք բերված համազգեստ: Հաջողվել է ձեռք բերել և անձնակազմին հանդերձավորել 3-րդ տիպի համազգեստով:
Կառավարության աջակցությամբ հաջողվել է պետական բյուջեից գումար ուղղել հրշեջ-փրկարարական ջոկատների վերանորոգմանը, ինչը կբարելավի փրկարարների աշխատանքային պայմանները: Վերանորոգման աշխատանքները շուտով կավարտվեն: Հետևողական աշխատանքի արդյունքում արդեն օրեր անց համակարգում չեն լինի անսարք հրշեջ-փրկարարական մեքենաներ:
Կառավարության աջակցությամբ որոշում է կայացվել հոկտեմբերի 1-ից կտրուկ բարձրացնել փրկարարների և հատկապես կրտսեր անձնակազմի աշխատավարձերը:
Ֆելիքս Ցոլակյանը տեղեկացրեց նաև, որ քննարկվում է համակարգի աշխատակիցներին պետական ծրագրով Երևան քաղաքում բնակարաններ հատկացնելու հնարավորությունը:
Նախարար Ցոլակյանը վարչապետին և կառավարությանը շնորհակալություն հայտնեց աջակցության և համատեղ աշխատանքի համար:
ԱԻ նախարարը շեշտեց, որ ԱԻՆ-ը կարևորագույն գերատեսչություններից է, որը հոգատար վերաբերմունքի կարիք ունի:
«Վստահ եմ, որ հետագայում մեզ հաջողվելու է էլ ավելի բարձրացնել համակարգի վարկանիշը»,- նշեց նախարար Ցոլակյանը:
Նախարարը նկատեց նաև, որ դեռևս կան բազմաթիվ խնդիրներ, և պետք է գնալ դրանց լուծման ճանապարհով:
«Ես մի անգամ ասել եմ, որ անջիգյար փրկարարը իսկական փրկարարի կողքին անելիք չունի, և շուտով, կառուցվածքային փոփոխությունների ընթացքում, մենք ազատվելու ենք նմանօրինակ աշխատակիցներից»,- ասաց Ֆելիքս Ցոլակյանը:
Նախարարության մեկ տարվա գործունեությունն ամփոփելուց հետո նախարարը պատասխանեց լրագրողների հարցերին:
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
