Մինչ Զոհրաբյանը Ստրասբուրգում ադրբեջանցիների դեմ կռիվ է տալիս, իմքայլական Քրիստինե Պողոսյանի մոտ քաղաքական իմպոտենտությունը սրվում է

Մինչ Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանը Ստրասբուրգում կռիվ է տալիս ադրբեջանցիների դեմ, բախտի բերմամբ, կամ լավ քայլելու շնորհիվ պատգամավոր կարգված իմքայլական Քրիստինե Պողոսյանը լրագրողների մոտ հոխորտում է, թե ո՞ւր էիք, երբ Նաիրա Զոհրաբյանն ԱԺ-ից դուրս էր վռնդում տրանսգենդերին և ինչո՞ւ նրան չէիք քննադատում այն ժամանակ։

Քաղաքական իմպոտենտությամբ աչքի զարնող սույն տիկինը լրագրողներից նույն գնահատականն է ուզում Անդրանիկ Քոչարյանի խայտառակության և Նաիրա Զոհրաբյանի՝ օրինակելի վարքագծի դիմաց։ Պողոսյանը չի հասկանում, թե ինչո՞ւ, երբ տրասնգենդերին Զոհրաբյանը ԱԺ-ից դուրս հրավիրեց, արժանացավ ողջ հայ հասարակության և լրագրողների ծափահարությանը, իսկ Անդրանիկ Քոչարյանը, Արփինե Հովհաննիսյանի ընտանիք մտնելով, միայն ու միայն պախարակվեց, նվաստացավ, հավասարվեց զրոյի որպես մարդ, էլ չասեն` որպես տղամարդ։

Իհարկե՛, անձնականն ու քաղաքականը իրար չխառնելու այս նուրբ սահմանագիծը չհատելու կարևորությունը դժվար թե իրեն պատգամավոր երևակայող իմքայլականը հասկանա: Ավելին, լրագրողների հետ զրույցում նա փաստեց, որ չի էլ հասկացել. հարցեց լրագողներին՝ իսկ ի՞նչ է ասել Անդրանիկ Քոչարյանը։ Քրիստինե Պողոսյանն ունակ չէ սա հականալ, որովհետև իրեն համար քաղաքականությամբ զբաղվելը հենց այդ սահմանագծի խախտումն է:

Այս համատեքստում էլ մի քանի կարևոր դիտարկում.

Դիտարկում 1-ին

Քաղաքականությամբ պետք է զբաղվեն դրանից հասկացողները, որպեսզի հետո իրենց քայլերով չփաստեն, թե որքան հեռու են քաղաքականությունից ու իրենք իրենց չխայտառակեն ու ցույց չտան աշխարհին, որ գործից բան չեն հասկանում, ինչպես դա եղավ Քրիստինե Պողոսյանի պարագայում:

Դիտարկում 2-րդ

Երբ մարդ աղքատ է, կամ արտաքինով տգեղ, կարող է օգնության հասնել նրա հոգու հարստությունն ու գեղեցկությունը: Իսկ երբ հոգին է դատարկ է, ապա, հատկապես քաղաքական գործչի դեպքում, դա արդեն կործանարար է հասարակության համար:

Դիտարկում 3-րդ

Խորհրդարանում վահանի դեր ստանձնելով ու քաղաքական կնքահորը ֆետիշացնելով դատարկությունը չի փակվի: Հիշենք առաջին օրերին ինչպես էր կառավարության ծրագիրն ու այն ներկայացնող Նիկոլ Փաշինյանին գովաբանում Պողոսյանը, ասելով, թե եթե նույնիսկ դատարկ թուղթ ներկայացներ` միևնույնն է կողմ էր քվեարկելու: 

Հասարակությունը դատարկությունն ու տգիտությունը հանդուրժել չի սիրում և չի կարող...

Դիտարկում 4-րդ

Եվ, ի վերջո, Քրիստինե Պողոսյանը պարզապես չի կարող չափվել Զոհրաբյանի հետ ու քայլել նրան զուգընթաց: Դա նրա համար ժամանակի ու ուժերի ավելորդ կորուստ կլինի:

Ավելի լավ է իր ուժն ու եռանդը ուղղի առավել ադյունավետ գործի, քան յուրայիններին աիմաստ պաշտպանելն ու արջի ծառայություն մատուցելն է...