Տեղի ունեցածը 2,5 ու նույնիսկ 25 տարվա քաղաքականության հետևանք չէր. Լենա Նազարյան

Եռակողմ ստորագրությամբ` վարչապետը  25-30 հազար զինվորականների կյանք է փրկվել, փրկվել է  նաև Ստեփանակերտը, հետևաբար՝ Արցախը: Այս մասին ԱԺ արտահերթ նիստում հայտարարեց ԱԺ փոխխոսնակ Լենա Նազարյանը:

Նա չի ընդունում, որ տեղի ունեցածը դիտարկվում է իբրև 2.5 տարվա կառավարման հետևանք:

«Սա նույնիսկ 25 տարվա քաղաքականության հետևանք չէ, այլ կապված է տարածաշրջանային և աշխարհաքաղաքական հարցերի հետ։

Ընդունում եմ, որ հանրային հուզումներ են արթնացել: Բայց եթե անգամ ելքը քաղաքական փոփոխություններն են, ապա պետք է կայունություն լինի, պետք է որոշակի ժամանակ անցնի, դուք չեք կարողանալու գնալ գյուղեր, որտեղ սև ժապավեններ են փակցված և քարոզարշավ անել, մարդիկ վշտի մեջ են»,- ասաց նա:

Ընդդիմության դիտարկմանը, թե իրենք նոր ընտրությունների մասին չեն խոսում, այլ հրաժարականի, Նազարյանն՝ ասաց շատ լավ, և շարունակեց ելույթը:

ԲՀԿ-ական պատգամավորներ հենց տեղում հերքեցին Լենա Նազարյանի հայտարարությունը, թե տորագրման օրը կառավարություն մտած մարդկանց շարքում է եղել նաև ԲՀԿ-ական պատգամավոր:

«Սուտ է, եթե նման բան լիներ, վաղուց հրապարակած կլինեին ապացույցներ: Այնտե՞ղ եղել, որ նման հայտարարություն եք անում»,- իրենց տեղերից նկատեցին պատգամավերները: Ինչին արձագանքելով, Լենա Նազարյանն ասաց, որ այնտեղ չի եղել:

Պատգամավորները շարունակում էին տեղերից իրենց դժգոհությունն արտահայտել, իսկ Նազարյանն իր խոսքն ամփոփեց, թե կառավարությունը ջարդուփշուր անելու պայմաններում հնարավոր չէ պահանջել վարչապետի հրաժարական:

Նաիրա Զոհրաբյանն էլ տեղից հակադարձեց, թե բոլոր ԲՀԿ-ական պատգամավորների աշխատասենյակները ջարդուփշուր արված: