Պետրոս Ղազարյանի յուրահատուկ խոնարհումը, կամ ինչպես ծառայել Փաշինյանին
Հանրային հեռուստատեսությամբ եթեր հեռարձակվեց «Քայլ դեպի հեղափոխություն» ֆիլմը։
Սա մի ֆիլմ է, որը պատմում է 2018 թվականի մարտ-ապրիլ ամիսներին Հայաստանում տեղի ունեցած իրադարձությունների մասին։
42 րոպեի ընթացքում «Քաղաքացիական պայմանագիր» կուսակցության վերնախավը
ներկայացնում է իր քայլերի, ցանկությունների հաջորդականությունն ու վերջնարդյունքին հասնելու սպասումը։
Արարատ Միրզոյան, Լենա Նազարյան, Ալեն Սիմոնյան, Տիգրան Ավինյան և մի շարք այլ դեմքեր պատմում են, թե ինչո՞ւ որոշեցին քայլել Նիկոլ Փաշինյանի հետ և ինչին էին հավատում այլ քայլքի ընթացքում։
Իրադարձությունների կենտրոնում Նիկոլ Փաշինյանն է, կամ ինչպես ընդունված է ասել՝ ֆիլմի գլխավոր հերոսը։
Առաջին ալիքի լրատվական ծրագրերի տնօրեն Պետրոս Ղազարյանը ջանք ու եռանդ չի խնայել Նիկոլ Փաշինյանից իսկական հեղափոխական հերոս կերտելու համար։
Ֆիլմի 42 րոպեները փառքի դափնիներ են ձոնում հենց Փաշինյանին՝ նրանից կերտելով մի հերոսի կերպար, որը մարտնչում ու հաղթում է արյունարբու չարին՝ Սերժ Սարգսյանին։
Ամբողջ ֆիլմը պտտվում է Փաշինյանի շուրջ, ճիշտ այնպես, ինչպես Փաշինյանի կնքահայր Լևոն Տեր-Պետրոսյանի անձ շուրջ է պտտվում Տիգրան Պասկևիչյանի հեղինակած «Հայաստանի կորսված գարունը» ֆիլմը։
Այս ֆիլմը ևս միակողմանի է, 2008 թվականի մարտյան դեպքերի պատկերն արտացոլված են բացառապես Լևոն Տեր-Պետրոսյանի ու նրա թիմակիցների դիտանկյունց։
Այս ֆիլմը Լևոն Տեր-Պետրոսյան քաղաքական գործչից կերտել է արյունարբու հանրապետականների դեմ պայքարող հերոս Լևոն Տեր-Պետրոսյան։
10 տարի անց նույն արյունարբու հանրապետարանի դեմ պայքարող ևս մեկ հերոս է ծնվել․ այս անգամ արդեն Նիկոլ Փաշինյանը։
Եթե «Քայլ դեպի հեղափոխություն» ֆիլմը նկարահանած լիներ մասնավոր մի հեռուստաընկերություն, դա գուցե հասկանալի լիներ․ կասեինք՝ Փաշինյանը վճարել է և ստացել այն, ինչ ցանկանում է, բայց երբ դա անում է Հանրային հեռուստաընկերությունը, որն անգամ 2018 թվականի մարտ-ապրիլյան իրադարձություններն է լուսաբանել շատ խիստ ու զգուշավոր խմբագրմամբ, արդեն տարօրինակ է ու անհասկանալի։
Արդեն իսկ ակնհայտ է, որ Հանրային հեռուստաընկերության լրատվական ծրագրերի ղեկավար Պետրոս Ղազարյանն իր երախտիքն է հայտնել Նիկոլ Փաշինյանին՝ այդ պաշտոնում հայտնվելու և կնոջը փոխնախարար դարձնելու համար։
Գուցե Պետրոս Ղազարյանն իշխանության ղեկավարին իր խոնարհումը հայտնելու այլ պատճառներ ևս ունի, բայց այն, որ Ղազարյանն այս ֆիլմով ծառայել է Փաշինյանին, ակնհայտ է։
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Կիրանցում ՔՊ-ն ստացել է 55,4 տոկոս, Բերքաբերում՝ 75.31 տոկոս, Ծաղկավանում՝ 81,5 ձայն
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
