Արմավիրում եղբայրները սպանել են գորշ արջի քոթոթի (լուսանկար)

Համացանցում հայտնվել լուսանկար, որտեղ 2 քաղաքացի հպարտ ու երջանիկ տեսքով լուսանկարվել են արջի արնաքամ քոթոթի հետ։ Նրանք, ըստ ամենայնի, սպանել են այդ քոթոթին ու հպարտանում են իրենց որսով։

NEWSPRESS.am-ին հայտնի դարձավ, որ լուսանկարի տղամարդիկ Արմավիրի մարզի Մյասնիկյան համայնքի բնակիչներ են։ Բրո (կապույտ վերնահագուստով) և Թեմուր (զինվորական բուշլատով) Քալաշյան եղբայրներն ազգությամբ եզդի են և, ըստ էության, ապօրինի որսի հեղինակը։

Ըստ ամենայնի՝ նրանք արջին ինքնապաշտպանության նպատակով չեն սպանել, ու կատարածի համար պետք է պատասխանատվություն կրեն։

Լուսանկարից երևում է նաև, որ նրանք քոթոթին սպանել են սուր գործիքով։  Նկատենք, որ սպանվածը գորշ արջի քոթոթ է, որը գրանցված է «Կարմիր գրքում»։

NEWSPRESS.am-ը հրավիրում է ՀՀ շրջակա միջավայրի, Բնապահպանության և ընդերքի տեսչական մարմնի և ՀՀ ոստիկանության ուշադրությունը կատարվածին։ 

Հիշեցնենք`

Հայաստանի Հանրապետության կենդանիների Կարմիր գրքում գրանցված գորշ արջ սպանելու համար ՀՀ քրեական օրենսգրքով նախատեսված է տուգանք՝ նվազագույն աշխատավարձի 400-600-ապատիկի չափով, կամ կալանք՝ 2-3 ամիս ժամկետով՝ 1-ից 5 միլիոն դրամ վնասի վերականգնմամբ։