Արջը յոթ երգ գիտի, յոթն էլ «դիմակի» մասին․ դիմակը պաշտպանում է վիրուսի՞ց, թե՞ ներքաղաքական լարվածությունից

Ընդհանրապես, երբ նոր էին ի հայտ եկել կորոնավիրուսային առաջին ախտանիշներն արտերկրում, շատերը սկսեցին վերլուծություններ անել, որ վիրուսի տարածումը քաղաքական գլոբալ հարցերի լուծման հետ է կապված։ Համենայնդեպս Հայաստանում այս վիրուսը հայտնվեց ճիշտ ժամանակին՝ ներքաղաքական զարգացումների նախաշեմին․․․

Սկզբում այնպիսի տպավորություն էր, որ երկրի իշխանությունը չի կարողանում կողմնորոշվել, թե ինչպես կարող է օգտվել կորոնավիրուսային իրավիճակից (ասում ենք օգտվել, քանի որ փորձը ցույց տվեց, որ վիրուսի հետևանքով մահերն իշխանության սխալ քաղաքականության արդյունք էր և վիրուսի տարածման ողջ ընթացքում իշխանությունը մտածել է իր շահի մասին)։

Թեև երկրում ունեինք առաջին հիվանդները, սակայն իշխանությանը պետք էր հանրաքվե անել և շարունակել մարդաշատ հավաքները։ 

Այդ էր պատճառը, որ  կորոնավիրուսի դեմ հակահամաճարակային միջոցառումների առաջին փուլում դիմակ դնելու անօգուտ լինելու մասին տեսակետը հնչեցրել է Առողջապահության այն ժամանակվա նախարար Արսեն Թորոսյանը։ Նրա տեքստը հնչում էր մոտովորապես այսպես՝ աղբարկղ նետեք դնչկալները, քանի որ դրանք բանի պետք չեն․․․

Ընդ որում, հարկ է հիշել, որ նա ներկայացնում էր աշխարհի առողջապահության համար պատասխանատու թիվ մեկ կազմակերպությունը։

Շատ կարճ ժամանակ անց «իրավիճակ» փոխվեց․ պարզվեց դիմակը ոչ միայն դնչկալ չէ, այլև չտունգավելու «մատերիալ»․․․

Պատերազմը գրեթե մոռացնել էր տվել դիմակների մասին, բայց ներքաղաքական լարվածությունը՝ վարչապետի հրաժարականի պահանջով կազմակերպվող հանրահավաքները, իշխանությանը հիշեցրին, որ իրենք ժողովրդի դեմ «զենք» ունեն՝ դիմակ անունով․․․

Եվ Առողջապահության նորաթուխ նախարար Անահիտ Ավանեսյանը հայտնեց դիմակների պարտադիր կրման մասին լուրը։ Դիմակ կրելը ենթադրում է զերծ մնալ տուգանքներից, խմբերով հավաքներից․ այսինքն՝ հանրահավաքներից։

Բայց ոչ միայն սա՝ կառավարությունը որոշել է մի կրակոցով  մի քանի նապաստակ որսալ․

1․ ցրել հանրահավաքները

2․ լցնել բյուջեն

3․ իրացնել ձեռք բերած ու բերվելիք պատվաստանյութը

 Հնարավոր է՝ իշխանությունն էլի խնդիրներ ունի իր առջև դրած, բայց երկու բառով՝ պատվաստանյութի մասին։

Մասնագետները նկատում են, որ պետք է հնարավորինս խուսափել պատվաստումից, քանի որ նրանց որակմամբ, դա իննասպանություն է։

Ի վերջո, այլ երկրների փորձը ցուց է տվել, որ պատվաստման հետևանքով եղել են կողմնակի ազդեցություններ, եղել են փորձարկման մասնակիցների շրջանում մահեր․․․ Ըստ անկախ մարմնի՝ պատվաստանյութերի երկարատև ազդեցության տեսանկյունից դեռ ինֆորմացիա չկա և ոչ ոք չի կարող պնդել, որ այն 100 տոկոսով անվտանգ է և 100 տոկոս ապահով։ 

Բայց սա քիչ է հուզում մեր իշխանությանը, կամ ընդհանրապես չի հուզում․․․

Առողջապահության նախարարն իհարկե դեռ փետրվարի վերջին հայտարարել էր, թե պատվաստվելը Հայաստանում պարտադիր չի լինի, բայց  հարկ է նկատել, որ մարդկանց առաջ դրվում են այնպիսի պայմաններ, որոնք նրանց կարգելեն աշխատել, ազատ շփվել ու զերծ մնալ նմանօրինակ էլի որոշ գործունեությունից։

Այլ կերպ ասած, սահմանափակումներով մարդկանց երկընտրանքի ու դժվար ընտրության առաջ կանգնեցնելու միակ բացատրությունը կարելի է համարել ռեժիմի իշխանության երկարաձգումը, որից ժամ առաջ պետ է ազատվել,  քանի որ մեր կործանմանը մասնակից են դրա բոլոր օղակները:

Ի վերջո, նրանք ովքեր հիվանադացել են կորոնավիրոսով, լավ գիտեն, որ դիմակը չի կանխարգելում այդ հիվանդությունը։

Ի դեպ, դիմակի կարևորության մասին խոսելիս պետք է հիշել, որ դեռ վերջերս Փաշինյանն իր աջակիցների հանրահավաք նախաձեռնեց։ Հարկ է նկատել, որ ոչ հանրահավաքի մասնակիցները, ոչ էլ այն նախաձեռնողները, այդ թվում նաև Փաշինյանը, դիմակ չէին կրում․․․ Սա իշխանության հերթական անլուրջ վերաբերմոնւնք է իր ժողովրդի նկատմամբ, որից կարելի է հերթական անգամ ապացուցել արդեն ապացուցվածն ու ասվածը՝ Փաշինյանն ու նրա իշխանությունը չեն մտածում ժողովրդի կյանքի կամ նրանց առողջության մասին, դիմակի առկայությունը պարզապես օգտագործում են աթոռը պահելու և մարդկանց հանգիստ տներում նստեցնելու համար․․․

Ահա թե ինչու արջը յոթ երգ գիտի, յոթն էլ «դիմակի» մասին։