Աննա Հակոբյանն անընդհատ փորձում է կրկնօրինակել Մեհրիբան Ալիևային (լուսանկարներ)

Աննա Հակոբյանը չի դադարում Մեհրիբան Ալիևային նմանակելուց, կամ, ինչպես ասում են՝ նույն «լուքով» ներկայանալուց․․․

Ու թեև հանրությունն ամեն անգամ քննադատում է լուսանկարները, սակայն Հակոբյանը համառորեն հերթականն է տեղադրում։ Նրանցից մի քանիսի մասին կներկայացնենք այս հրապարակմամբ։

Օրինակ՝ լուսանկար, որտեղ ԱԻՆ աշխատակիցը պատիվ է առնում Աննա Հակոբյանին և զեկուցում է իրավիճակի մասին։

Այս կերպ ևս նա փորձել է նմանվել կամ կրկնօրինակել Մեհրիբան Ալիևային։  

Նրանք երկուսն էլ նկարվել են զինվորական համազգեստով․․․

Մեհրիբան և Իլհամ զույգը, Աննա Հակոբյանի տեղադրած լուսանկարով համեմատվել է Աննա և Նիկոլ զույգի հետ․․․

Ալիևան և Աննա Հակոբյանը լուսանկար են հրապարակել նաև Սյունիքի մարզի Սոսիների պուրակից․․․ Երբ նա հազիվ թե չհիշեր, որ այստեղից լուսանկար է հրապարակել նաև Մեհրիբան Ալիևան։

Նրանք երկուսն էլ բեմականացրել են եղնիկներին կերակրելու հայտնի տեսարանը։

Ընդ որում՝ ամեն անգամ առաջինը լուսանկար է հրապարակել Ալիևան, իսկ Հակոբյան Աննան կրկնել է։

Այժմ էլ հերթը սար մագլցելու տեսարանն է․․․

Թե ինչու է նա անընդհատ կրկնօրինակում Մեհրիբանին, առանձին հարց է, այլ խնդիր է, թե ինչու է ամեն անգամ նա այդ բոլոր լուսանկարները տեղադրում համացանցում, երբ քաջ գիտակցում է, որ բուռն քննարկումների տեղիք է տալու։

Հատկանշական է, որ որպես լրատվական դաշտում տարիների փորձ ունեցող մասնագետ՝ լրագրող և խմբագիր, Հակոբյանը հասկանում է, որ տվյալ գործելաոճով  հանրային տրամադրությունները կարող է փոխել՝ կլինեն արձագանքներ, քննարկումներ, քննադատություններ․․․

Դա էլ հաշվի առնելով՝ հարց է առաջանում, թե ինչու է նա հրապարակում նման լուսանկարներ՝ լավ իմանալով, որ քննադատության թիրախ է դառնալու։

Իհարկե, չի բացառվում նաև, որ նա այս քայլով փորձում է քննարկման թեմա նետել դաշտ ու հանրության ուշադրությունը շեղել ավելի կարևոր իրադարձություններից, որ տեղի են ունենում սահմանին, կամ թեկուզ հենց ներքաղաքական դաշտում, որտեղ վարչապետի հրաժարական պահանջող ընդդիմությունը որոշել է վերադառնալ խորհրդարան ու դարձել է հասարակության ամենաքննադատվող թեմաներից մեկը․․․

Հաշվի առնելով նաև, որ սովորաբար ընդդիմությունը ևս այս գործելաոճով է զբաղված, այսինքն՝ հանրության ուշադրությունն իր հայտարարություններով ու հանրահավաքներով շեղում է Փաշինյանի ճակատագրական գործողություններին, ապա կարելի է ենթադրել, որ իշխանությունը՝ այս դեպքում Աննայի դեմքով, և ընդդիմությունը խաղում են «պասերով»․․․

Արմինե Մկրտումյան