Զուգադիպությո՞ւն․․․ ինչո՞ւ է «Ինվեսթ ին ԷյԷմ» ՓԲԸ տարբերանշանում Հայաստանի քարտեզը հիշեցնող աղջկա գլուխը կիսատ
Հայաստանում գործող «Ինվեսթ ին ԷյԷմ» ՓԲԸ-ն մասնավոր խորհրդատվական ընկերությունը, որը Հայաստանի Հանրապետության ողջ տարածքում աշխատում է արտահանողների և ներկրողների հետ՝ յուրօրինակ դիզայնով է հանդես գալիս։
Պատահականության կամ զուգադիպության սկզբունքով «Ինվեսթ ին ԷյԷմ»-ի տարբերանշանը (լոգոն) Հայաստանի քարտեզի մի մասն է՝ առանց Սյունիքի ու Վայոց Ձորի․․․
NEWSPRESS.am-ը փորձեց կապ հաստատել ընկերության հետ՝ հասկանալու համար, թե ինչ սկզբունով է ընտրվել քարտեզի այդ տարբերակը և ինչպես կբացատրեն այն, որ որոշ մարզեր բացակայում են տարբերանշանում պատկերված քարտեզից։
Ֆեյսբուքյան էջով խնդրեցինք կոնտակտային համար դրամադրել՝ հարցման համար, սակայն մեզ պատասխանեցին, որ կարող ենք այդ տարբերակով ուղղել մեր հարցերն ու ստանալ պատասխան․․․
Ինչևէ․․․ մեր հարցմանն ի պատասխան, ընկերությունից հայտնեցին, որ «էջի գլխավոր նկարի մեջ Հայաստանի քարտեզ օգտագործված չէ և որևէ կերպ անդրադարձ չի արվում»:
Ըստ ընկերության ներկայացուցչի՝ պարզվում է՝ նկարում հիմք է ընդունվել կնոջ գլխի կոնտուր, ով ուղղել է հայացքը դեպի ներդրումներ Հայաստանում «Invest Armenia»։ Սակայն այդ կնոջ գլուխը ոչ թե ՀՀ քարտեզի տեսքով է, այլ՝ Անահիտ Աստվածուհու կիսանդրու։
«Ընտրվել է Անահիտ դիցուհու կիսանդրին՝ որպես հիմք, քանի որ նա պտղաբերության և արգասավորության աստվածուհին է, ինչը մեր ընկերության նպատակն է` Հայաստանը ներդրումների միջոցով դարձնել հզոր երկիր»:
Այս պատասխանի հետ մեկտեղ ընկերությունից ուղարկել են նաև Անահիտ աստվածուհու կիսանդրու լուսանկարը։
Մեր դիտարկմանը, որ լոգոյում պատկերված կնոջ ուրվագիծն ավելի շատ ՀՀ քարտեզն է հիշեցնում, այլ ոչ թե աստվածուհու պատկերը, ընկերության մեր զրուցակիցը չհամաձայնեց։ Ամեն դեպքում նա նշեց, որ այս դիտարկումը հետագայում հաշվի կառնվի։
«Ձեր բարձրացրած հարցը Ռեբռենդինգի շրջանակներում անպայման հաշվի կառնենք»,-պատասխանեցին ընկերությունից։
Իհարկե կասկած չկա, որ իրականում տարբերանշանի պատկերը Հայաստանի քարտեզն է, այլ ոչ թե Անահիտ աստվածուհու պատկերը (դրանք նման են, ինչպես ջրի 2 կաթիլը)։ Սակայն մյուս կողմից էլ չենք բացառում, և ուզում են հավատալ, որ ոչ մի դիտավորություն չկա, այլ տարբերանշանի ձևավորման ժամանակ, ձևավորողները մատների արանքից են նայել քարտեզի ամբողջականության հարցին և ավելի շատ ուշադրություն դարձրել են դիզայնին՝ լոգոյի մեջ չընդգրկելով 2 մարզն ամբողջությամբ ու մի քանի համայնքներ․․․․
Ամեն դեպքում հուսով ենք, որ ընկերությունը կգտնի համապատասխան ձևավորողի, ով ճիշտ ու նպատակային նշանակություն կտա լոգոյին և պատկերները կներկայացնի ամբողջական, որպեսզի դրանք չասոցացվեն օրակարգային խնդիրների ու թշնամուն հանձնվող տարածքների հետ։ Հատկապես, որ քարտեզի ամբողջական տեսքից ավելի գեղեցիկ լուծումներ կարելի է ստանալ․․․․ եթե իհարկե տարածքների հետ կապված դիտավորություն չկա․․․
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
Երևանում հնչել են կրակոցներ․ կա վիրավոր
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
