Ուշադրություն. որոնվում է տեսանյութում պատկերված աղջիկը (ֆոտո, վիդեո) - «Ելքի»-ի երթի ելակետը նոր պաշտոններում հարմարավետ վերադասավորվելն է - ՊՆ զորամասի գումարտակի հրամանատարի մասնակցությամբ կաշառքի գործն ուղարկվել է ՀՔԾ - Աթոյան փողոցում BMW-ն բախվել է ծառին. վարորդը ցնցումների մեջ հիվանդանոց է տեղափոխվել (լուսանկարներ) - Ստրկատիրական բարքեր՝ «Ալեքս տեքստիլ»-ում - Գծատերերն ամեն օր «օդից» հարյուր հազարավոր դրամներ են աշխատում - Այնտեղ, ուր հրավիրում է «Ելք»-ը քաղաքացիներին, վտանգավոր է, կասկածելի և վստահություն չկա - Ժպտացեք, պարոնա՛յք, ժպտացե՛ք. Շարմազանովի և Փաշինյանի փոխադարձ ժպիտները - ՏՄՊՊՀ-ն արդարացնում է թանկացումները - Ինչո՞ւ է ձգձգվում Մխիթարյանի ու Սանչեսի փոխանակությունը

Վաշինգտոնում հրապարակներից մեկը կվերանվանվի ռուս ընդդիմադիր Բորիս Նեմցովի անունով


despanatun

Վաշինգտոնի քաղաքային խորհուրդը միաձայն որոշում է կայացրել Ամերիկայի Միացյալ Նահանգներում Ռուսաստանի Դաշնության դեսպանատան դիմաց գտնվող հրապարակը վերանվանել ռուս ընդդիմադիր Բորիս Նեմցովի անվամբ, ով ավելի վաղ սպանվել էր:

Վերանվանումը տեղի կունենա այս տարվա փետրվարի 27-ին՝ քաղաքական գործչի մահվան տարելիցի օրը: Հրապարակը կպահպանի իր նախկին անունը ևս՝ Վիսկոնսին ավենյու և դեսպանատունն իր հասցեն կարող է նշել երկու անուններից որով կցանկանա, նշում է BBC-ն:

Սպանված քաղաքական գործչի անունով հրապարակն անվանելու գաղափարը սկզբում հայտնվել է Սենատում, իսկ գաղափարի հեղինակները Հանրապետական Մարկո Ռուբիոն ու Դեմոկրատ Քրիստոֆեր Կունսն են:

Սա առաջին անգամը չէ, որ Ամերիկայի Միացյալ Նահանգները նման բան է կիրառում՝ ի հարգանս Սովետական միության կամ Ռուսաստանի Դաշնության տարածքում գործող ընդդիմադիր գործիչների: 1984 թվականին Ամերիկայի Միացյալ Նահանգների Սենատի որոշմամբ այդ ժամանակ Սովետական միության դեսպանատան շենքին հարող փողոցն անվանվեց Անդրեյ Սախարովի անունով: