Հաղորդում հանցագործության մասին. «Գարդասիլ-4» անունը կրող պատվաստանյութը ձեռք է բերվել խարդախ ճանապարհով - Արայիկ Հարությունյանը և Կարեն Կարապետյանը այցելել են ուսումնական հաստատություններ և ձեթի գործարան - Ադրբեջանի ԱԳՆ-ի «սև ցուցակը» կտրուկ «կծանրանա» - 49-ամյա Գոհար Ալեքսանյանը և 27-ամյա Աննա Ստեփանյանցը որոնվում են որպես անհետ կորած (տեսանյութ) - Օդի ջերմաստիճանը 15-19-ն էապես չի փոխվի - Ավտոմեքենան սահել և ընկել է ձորը - «Նկարիչները հայոց բանակին». կայացավ բարեգործական ցուցահանդես-աճուրդի նախնական ցուցադրությունը - Մսամթերքը թանկացել է, շաքարավազը՝ էժանացել - Քաղաքապետարանը Տարոն Մարգարյանի հոր դյուքյանն է - Սեռական ոտնձգության փորձ՝ 7-ամյա երեխայի նկատմամբ. «Փաստինֆո»

Գեներալ Ռատկո Մլադիչը դատապարտվեց ցմահ ազատազրկման․ նա մեղադրվում էր ցեղասպանություն կազմակերպելու մեջ


ratko mlatic

Հաագայի դատարանը նախկին Հարավսլավիայի բանակի գեներալ Ռատկո Մլադիչին դատապարտել է ցմահ բանտարկության՝ նրան մեղավոր ճանաչելով ցեղասպանություն կազմակերպելու և մարդկության դեմ հանցագործություն իրականացնելու մեջ: Այդ մասին հաղորդում է BBC լրատվական գործակալությունը:

Մլադիչը 1990-ականների սկզբում գլխավորում էր բոսնիացի սերբերի բանակը, և դատարանի վճռով մեղավոր է Բոսնիայի և Հերցոգովինայի հազարավոր խաղաղ բնակչության սպանդ կազմակերպելու մեջ: Նրա կողմից ամենամեծ սպանդը կազմակերպվել է 1995 թվականին Սրեբրենիցայում, որի ժամանակ սպանվեց յոթ հազար մահմեդական տղամարդ ու երիտասարդ:

Դատարանի վճռով Սրեբրենիցայում տեղի ունեցածն էթնիկ զտում էր: Նրան մեղադրում են նաև Սարաևոյում տեղի ունեցած ռազմական հանցագործության մեջ, որի ժամանակ զոհվեց մոտ տասը հազար մարդ: Դատավոր Ալֆոնս Օրիեի խոսքով՝ Մլադիչն անձամբ է հրաման տվել զինվորականներին՝ Սարաևոյում ռմբակոծություններ իրականացնելիս:

Նախկին գեներալն, ով այժմ 75 տարեկան է, 16 տարի շարունակ թաքնվել է ռազմական դատարանից: Նա ձերբակալվեց 2011 թվականի մայիսին՝ սերբ հատուկ ջոկատայինների կողմից իրականացված գործողության ժամանակ և փոխանցվեց Հաագայի դատարանին։