Ըստ հաղորդման` քննիչները հարկադրել են ցուցմունք տալ և կեղծիքներ են կատարել - Երևանում Արամ Մանուկյանի տունը թալանում ու աղտոտում են, Շուշիում՝ պահպանում (լուսանկարներ) - Կոռուպցիան Դավիթ Հարությունյանի տարեց հարևանուհին է - Մուղնիի հիմնական դպրոցի տնօրենը աշխատավարձեր է յուրացրել (տեսանյութ) - Վարչապետը մեկ կրակոցով երեք նապաստակ է սպանում - Սկանդալային բացահայտումներ՝ չեխական զենքի՝ Ադրբեջանին վաճառքից. ինչո՞վ են զբաղված ԱԳ նախարարն ու Չեխիայի դեսպանը - Քաղաքապետարանը բյուջեից տարեկան 11 մլն է տալիս ՀՀԿ պատգամավորի ասոցիացիային, որը փաստացի չի գործում. «Ելք» - Նոր մանրամասներ՝ «Կոնվերս բանկի» հափշտակության դեպքից. եղել է դերաբաշխում - Բաղանիսում հոնի և պնդուկի այգիներ են հիմնում (լուսանկարներ) - Ողբերգական վթար՝ «Հարսնաքարի» մոտ. վարորդը մահացել է, մեքենայի մոտ ատրճանակ է հայտնաբերվել. Shamshyan.com (ֆոտո)

CNN-ը կարող են դարձնել քաղաքական խաղալիք


karen karapetyan cnn

Մամուլում տեղեկություն կա, որ վարչապետը հանձնարարել է հիմնավորումներ գտնել Հայաստանում CNN-ի հեռարձակումը դադարեցնելու համար: Ռուսները որոշել են Ռուսաստանի տարածքում արգելել CNN հեռուստաընկերության ծրագրերի հեռարձակումը։ Ռուսական «Ռոսկոմնադզոր»-ի տնօրենի տեղակալ Վադիմ Սուբոտինը հայտարարել է, որ խախտումներ են հայտնաբերել ընկերության ներկայացված տվյալներում և պահանջել են մինչև հոկտեմբերի 11-ը ուղղել դրանք։

Ի դեպ, ԱՄՆ-ում ուզում են դադարեցնել ռուսական RT հ/ը-ի գործունեությունը, ինչին ռուսները պատասխանում են CNN-ի գործունեությունը դադարեցնելով»։

Չի բացառվում, որ մինչև տարեվերջ ամերիկյան խոշորագույն լրատվական հեռուստաընկերության հեռարձակումը դադարեցվի նաև Հայաստանում` վարչապետի ձեռամբ։

Նշենք, որ Հայաստանը հայտնվել է մի վիճակում, երբ Արևմուտքը հարմար պահի իր կողմն է քաշում, Ռուսաստանը` իր: Հայաստանը` լինելով փոքր երկիր, տարուբերվում է երկու խոշորագույն բևեռների միջև:

Իհարկե, դժվար է անկողմնակալ և չեզոք մնալ, երբ գտնվելով մեկ խոշոր բևեռի ազդեցության գոտում՝ չես գնում նրա հետևից: Երբ ՀՀ-ն ցանկանում էր ասոցացման համաձայնագիր կնքել Արևմուտքի հետ` ՌԴ-ն քաշեց իր կողմ, իսկ երբ արդեն հայտարարեց ԵՏՄ մտնելու մասին` Արևմուտքն ամեն ինչ անում է, որ Հայաստանւ հնարավորինս պահի իր ազդեցության գոտում:

Երկու կողմերն էլ օգտագործում են իրենց հնարավորությունները:

Հիմա էլ CNN-ի հարցն է: Մեր երկրում այնքան էլ շատ չեն օտարալեզու անձինք, ովքեր մշտապես օգտվում են CNN-ի ծառայություններից, սակայն արևմտյան աշխատակիցները, գործիչները մշտապես օգտվում են, սակայն ՀՀ քաղաքացիները՝ շատ քիչ: Այնպես որ՝ CNN-ի փակելը մեր երկրում այնքան էլ մեծ լսարան չի կորցնի, սակայն այստեղ քաղաքականության հարց է:

Ռուսամետ վարչապետը հիմքեր է փնտրում արևմտյան հ/ը-ն փակելու համար, սա կարող է ավելի քան լուրջ լինել և արևմտյան գործընկերների հետ տարաձայնությունների տեղիք տալ:

CNN-ի՝ Հայաստանում փակվելով ոչ մեծ լսարանի կորուստը ՀՀ-ն կփոխհատուցի արևմտյան գործընկերների հերթական խնդրի շահարկմամբ, որը, երևի թե, չարժե: Կուլ գնալ Ռուսաստանի քմահաճույքներին, ոչ միայն տեղին չէ, այլև ՀՀ-ի համար կարող է լուրջ խնդիր ստեղծել և հանուն ինչի՞, հանուն ոչմիբանի, կամ ավելի ճիշտ՝ հանուն ռուսական ձևամոլության և հայկական ստրկամտության:

Չարժե ձևամոլությունը թաթախել քաղաքականության մեջ ու կուլ տալ:

NEWSPRESS.am