Ուկրաինայում, իր աշխատասենյակում, սպանվել է հայազգի գործարար (տեսանյութ) - Կապան-Քաջարան ճանապարհին մեքենան կողաշրջվել է. տուժածների վիճակը միջին ծանրության է - Հայաստան է բերվել նոր, բարձրակարգ և ժամանակակից էլեկտրագնացք (տեսանյութ) - Երևան-Սևան մեքենան բախվել է գովազդային վահանակին, շրջվել ու այրվել. վարորդը տեղում մահացել է - Մամեդովը բաց թողեց իր սահմանափակ լինելը չցուցադրելու հնարավորությունը. ԱԳՆ խոսնակ - «Վինար»-ի փոխտնօրենը պատասխան է տալու Յուվեցի Կարոյի փոխարեն - Զովունիում գտել են կորած երիտասարդի դին - Վանաձորցի ըմբշամարտիկը 16-րդ անգամ նվաճեց օտար երկրում Հայաստանի հիմնը հնչեցնելու իրավունքը (լուսանկարներ) - Մանրամասներ՝ «Կոնվերս բանկում» կատարված ավազակային հարձակման դեպքից (տեսանյութ) - Վիճաբանություն և ծեծկռտուք՝ կարաոկեում. 5 բերման ենթարկվածից 4-ն աղջիկ են. Shamshyan.com

«Աստղիկ» բ/կ-ի բուժաշխատողներին ճաշելու համար պատժել են՝ աշխատավարձից կրճատելով 40 տոկոս


asatur asatryan astxik bjshkakan kentron

Սամվել Ալեքսանյանին պատկանող «Աստղիկ» բ/կ-ում կարծես ֆինանսական ճգնաժամ է սկսվել, ու ամեն կերպ բուժհիմնարկի տնօրինությունը փորձում է գումարներ հայթայթելու ճանապարհներ փնտրել:

NEWSPRESS.am-ի տեղեկություններով՝ օրերս պետպատվերով հեմոդիալիզ ստացող քաղաքացիներին «Աստղիկ» ԲԿ-ի տնօրինությունն զգուշացրել է, թե «անվճար սպասարկումն ավարտվեց. դիալիզի համար պետք է վճարել»:

Ծառայությունից օգտվողները մեծ աղմուկ էին բարձրացրել և բողոքի ակցիա կազմակերպել, քանի որ նրանց ասել էին, թե իբր կառավարությունը դադարեցնում է ֆինանսավորումը: Կառավարությունից, սակայն, շատ արագ այդ մասին լուրը հերքեցին: Վերևներում չգիտեին, թե ինչից է «Աստղիկ» բ/կ-ն վերցրել, որ պետությունն այլևս չի վճարելու դիալիզի համար: Ամեն դեպքում, կառավարության հարցմանն ի պատասխան՝ «Աստղիկ» բ/կ-ի գլխավոր տնօրեն Ասատուր Ասատրյանը հերքել էր, թե ինքը նման հայտարարություն չի արել:

Դրանից շատ չանցած՝ NEWSPRESS.am-ի աղբյուրները տեղեկացրին, որ «Աստղիկ» բ/կ-ի տնօրինությունը հիմա էլ որոշել է Հեմոդիալիզի ծառայության աշխատակիցների աշխատավարձերը պահել:

Բանն այն է, որ մեզ հասած տվյալներով՝ տնօրինությունը կասկածել է, որ բուժաշխատողները համարձակություն են ունեցել 8-ժամյա աշխատանքի ընթացքում ճաշել:

Պետք է նկատենք, որ «Աստղիկ» բ/կ-ում գործող Հեմոդիալիզի ծառայությունն սպասարկում է Հանրապետության մասշտաբով ամենամեծ թվով հիվանդներին՝ ավելի քան 200 հիվանդ: Հիվանդներին ժամանակին սպասարկելու և խնդիրներ չառաջացնելու նպատակով բուժաշխատողների համար, ինչպես բոլոր նորմալ բուժհիմնարկներում, սահմանվել է հերթափոխ: Յուրաքանչյուր հերթափոխ, սակայն, իրենից ենթադրում է ոչ պակաս, քան 8 ժամ աշխատանք: Այդ ընթացքում մասնավորապես Հեմոդիալիզի բուժաշխատողներն անընդհատ պետք է լինեն հիվանդների կողքին, քանի որ ամեն պահի հնարավոր է հիվանդի առողջական վիճակի վատացում:

Մի խոսքով՝ ղեկավարությունը նրանց մի կողմից արգելում է բացակայել հիվանդի կողքից, մյուս կողմից՝ պարտադրում, որ ճաշեն բուֆետում:

Մեր տեղեկություններով՝ հիվանդանոցի բուֆետում ճաշելու համար` մոտ մեկ ժամ է հարկավոր (մինչև հերթը կհասնի, սնունդ կստանան և կճաշեն): Սա արդեն նշանակում է, որ բուժաշխատողը երկար ժամանակով բացակայեց բաժանմունքից: Հավանաբար, արագ սնվելու համար, բուժաշխատողները ճաշել են հենց հիվանդասենյակում, որպեսզի հասցնեն աշխատել:

Մեր տեղեկություններով՝ տնօրինությունը մտնելով սենյակ՝ «ճաշի հոտ է առել» և վերջնականապես բուժաշխատողների ճաշելու հարցը կանոնակարգելու փոխարեն՝ որոշել է պատժել ողջ անձնակազմին, ասել է թե՝ բոլոր հերթափոխերի աշխատողներին:

Հեմոդիալիզի՝ ավելի քան 30 բուժաշխատող իրենց պատիժը կկրեն գումարի տեսքով՝ աշխատավարձի 40 տոկոս կրճատում:

Եթե իսկապես հիվանդանոցում «ուտելու հարցն» այդչափ խիստ է դրված, ենթադրաբար, պետք է լինի այլընտրանք, քանի որ ծանր հիվանդների հետ աշխատող բժիշկներին նաև սնվել է հարկավոր, և դրա համար նրանց` առանց այն էլ ոչ բարձր աշխատավարձը կրճատել 40 տոկոսով, թերևս ճիշտ չէ:

Այս ֆոնին, իհարկե, հետաքրքիր է լսել «Աստղիկ» բ/կ-ի գլխավոր տնօրենի մեկնաբանությունը. հերթական անգամ կհերքի՞ անհերքելին, թե հարցին խելամիտ լուծում տալու փոխարեն՝ հանդես կգա անհեթեթ ու ոչ հիմանավոր պատճառաբանություններով:

Արմինե Մկրտումյան