Հաղորդում հանցագործության մասին. «Գարդասիլ-4» անունը կրող պատվաստանյութը ձեռք է բերվել խարդախ ճանապարհով - Արայիկ Հարությունյանը և Կարեն Կարապետյանը այցելել են ուսումնական հաստատություններ և ձեթի գործարան - Ադրբեջանի ԱԳՆ-ի «սև ցուցակը» կտրուկ «կծանրանա» - 49-ամյա Գոհար Ալեքսանյանը և 27-ամյա Աննա Ստեփանյանցը որոնվում են որպես անհետ կորած (տեսանյութ) - Օդի ջերմաստիճանը 15-19-ն էապես չի փոխվի - Ավտոմեքենան սահել և ընկել է ձորը - «Նկարիչները հայոց բանակին». կայացավ բարեգործական ցուցահանդես-աճուրդի նախնական ցուցադրությունը - Մսամթերքը թանկացել է, շաքարավազը՝ էժանացել - Քաղաքապետարանը Տարոն Մարգարյանի հոր դյուքյանն է - Սեռական ոտնձգության փորձ՝ 7-ամյա երեխայի նկատմամբ. «Փաստինֆո»

Ադրբեջանում խոշոր զորավարժություն է մեկնարկել


RM-70

Սեպտեմբերի 18-ին Ադրբեջանի բանակում մեկնարկել է հերթական խոշոր զորավարժությունը: Համաձայն Ադրբեջանի ՊՆ հաղորդագրության՝ վարժանքներին ներգրավվել է շուրջ 15 հազար զինծառայող, 150 միավոր տանկ և այլ զրահատեխնիկա, 120 միավոր հրետանային և հրթիռային համակարգ ևն: Այս մասին հայտնում է Razm.info-ն՝ հղում անելով Ադրբեջանի ՊՆ կայքին:

Վարժանքները կավարտվեն սեպտեմբերի 22-ին: Ավելի վաղ Ադրբեջանի ՊՆ-ն հայտնել էր, որ զորավարժության հայտարարվող նպատակը համազորային մարտի կանոններով առաջադրանքների կատարումն է:

Ավելացնենք, որ զորավարժության մեկնարկից հրապարակած տեսանյութում երևում էին չեխական արտադրության DANA M1M ինքնագնաց հրետանային համակարգեր և RM-70 համազարկային կրակի ռեակտիվ համակարգեր: Նման զինտեխնիկա Ադրբեջանի ԶՈւ սպառազինությունում առաջին անգամ է ցուցադրվում:

Դատելով հրապարակաված տեսանյութից և լուսանկարներից՝ նախնական տվյալներով՝ զինտեխնիկան դուրս է եկել Բաքվից ոչ այնքան հեռու տեղակայված ռազմաբազայից և շարժվել նույնպես ոչ հեռու տեղակայված զորավարժարան: Չի բացառվում, որ վարժանքները կարող են անցկացվել մի քանի տարբեր զորավարժարաններում: