Որոշ ավտոճանապարհներին տեղ-տեղ առկա է մերկասառույց - Սպասվում են տեղումներ ձյան, ձնախառն անձրևի տեսքով - Արցախի ՊԲ-ն հարձակողական բնույթի զորավարժություններ է անցկացրել - Ընտանեկան բռնությունը չի դադարի, եթե մենք ոչինչ չանենք. ցուցարարներ (ֆոտո, վիդեո) - Կալանավորի հաղորդումը. «Հրազդան» ՔԿՀ-ի պետը հայհոյել է ու ոտքերով հարվածել է իրեն - ՆԱՏՕ-ն կոչ է անում խուսափել ԼՂ-ում իրավիճակի սրումից - Հայ դիրքապահները միջդիրքային տարածքում ադրբեջանցի կապիտանի դիակ են հայտնաբերել - Հայ երիտասարդը ծաղրում է Կրաշենիննիկովային (վիդեո) - Դիլիջանի «ձեռնադրված» քաղաքապետի համար ճանապարհները մաքրելը պատվից ցածր է (լուսանկարներ) - Արտակարգ դեպք՝ Վանաձորում. գնացքը վրաերթի է ենթարկել երիտասարդի, նա ողջ է մնացել. Shamshyan.com (լուսանկարներ)

Գորիսի քաղաքապետի հրաժարականին հաջորդել է նրա մամուլի քարտուղարի դիմումը


adunc arev

Գորիսի քաղաքապետի հրաժարականին հաջորդել է նրա մամուլի քարտուղարի՝ Արև Աբելյանի հրաժարականի դիմումը:

Մամուլի քարտուղարուհին ֆեյսբուքյան իր էջում անդրադարձել է Գորիսի համայնքապետի հրաժարականին և պարզաբանել իր դիմում ներկայացնելու պատճատը:

Արև Աբելյանը մասնավորապես գրել է.

«Գորիս համայնքի ղեկավար Վաչագան Ադունցը հրաժարականի դիմում ներկայացրեց: 3 տարի աշխատելով պարոն Ադունցի թիմում, որպես նրա մամլո խոսնակ պիտի նշեմ, որ մեծագույն պատիվ եմ համարում աշխատել նման ՄԱՐԴՈՒ հետ, ով իր էությամբ, իր աշխատասիրությամբ իր անզուգական Մարդ տեսակով առանձնանում է: Նրա բարության, մարդկանց օգնելու պատրաստակամության, օրենքի տառը հարգելու ունակության մասին խոսում են արված գործերը, թափած ջանքերը և նրա հանդեպ ունեցած մարդկանց սերն ու հարգանքը: Վ. Ադունցը կարող էր աշխատել առավոտից մինչ երեկո, գիշերները շրջել քաղաքով ու գյուղերով, իսկ հաջորդ առավոտյան ամեն ինչ անել առկա խնդիրների լուծման համար: Պարոն Ադունցի շնորհիվ բազում ծրագրեր շուտով կյանքի կկոչվեն: Գորիսը կունենա Թումո կենտրոն, նոր, հարուստ տեխնիկա, կբարեկարգվի քաղաքի կենտրոնական հատվածը, կլուծվեն աղբահանության հետ կապված մի շարք հարցեր և այդ ամենը նրա քրտնաջան ջանքերի շնորհիվ: Ադունցը այս 3 տարում թողեց միայն իրեն հատուկ Ադունցյան ձեռագիր…

Աշխատանքից ազատման դիմում ներկայացրի նաև ես: Ինձ ճանաչողները գիտեն, որ երբեք չեմ ստում. դա սկզբունքորեն: Համայնքապետարանում աշխատելս պայմանավորված էր Ադունց ՄԱՐԴՈՎ… Իսկ աշխատել պետական ապարատի լրատվական դաշտում ինձ համար անհնար կլիներ, եթե չլիներ պարոն Ադունցի ազնվությունը, բաց ու թափանցիկ աշխատելաոճը, պատասխանատվության մեծ զգացումը… Վստահ եմ, որ այս տողերը կարդացողներից շա՜տ-շատե՜րը համամիտ կլինեն ինձ հետ, ու եթե ոչ բարձրաձայն ապա մտքում հաստատ կհամաձայնեն գրածներիս հետ…. Մի առիթով ասել ու կրկնելու եմ.

Հարգարժան պարոն Ադունց, ես հպարտ եմ, որ ճանաչում և աշխատել եմ Ձեզ նման հրաշալի մարդու հետ, վստահ եմ, որ Ձեր կողմից արված այս քայլը կրկին միայն Ձեզ բնորոշ տեսակից է ելնում….

Պատիվ ունեմ….»,-գրել է Արև Աբելյանը: