Որո՞նք են Մխիթարյանի բացակայության իրական պատճառները․ Հենո VS Ժոզե - ԱԻՆ-ը վարորդներին հորդորում է երթևեկել բացառապես ձմեռային անվադողերով - Էրիկ Գրիգորյանին, ով հետ շպրտեց թշնամուն ու զոհվեց - Որպեսզի «սև ուրբաթը» «սևով» չավարտվի՝ զեղչերն աննախադեպ չեն - Գյուղատնտեսությունը հոսում է Կրասնոդար - Պաշտոնից ազատում՝ վարչապետի հրամանով - ՄԱԿ-ը երբեք բանաձև չի ընդունել ԼՂ հարցի կարգավորման մասով. Սերժ Սարգսյանի ելույթը՝ Բրյուսելում - Տարոն Մարգարյանը Նավասարդյանին պարգևատրել է «արջի ծառայության» համար - Նիկոլ Փաշինյանը եղել է «Առինջ մոլ» և ծանոթացել առևտրականների խնդիրներին - Երթևեկության կազմակերպման փոփոխություն` Երևան քաղաքի Ազատության պողոտա-Բաբայան փողոց խաչմերուկում

Պատճառն ամենևին էլ գումարը չէ. Դպրոցի տնօրենը՝ աշակերտների ինքնասպանության փորձի մասին


nersik eloyan

Երևանի Լևոն Արիսյանի անվան թիվ 127 դպրոցում տեղի ունեցած ինքնասպանության փորձը կարծես թե փակուղի է մտել: Առաջին հայացքից այնպիսի տպավորություն է, որ փոձում են գործը կոծկել ու «ջրվի, գնա»: Այս կարծիքին, սակայն, տնօրեն Ներսիկ Էլոյանը համամիտ չէ: Նա NEWSPRESS.am-ի հետ զրույցում նշեց, որ ոչ միայն ոստիկանությունը շարունակում է զբաղվել խնդրով, այլև շատ հարցեր կան, որոնք բարձրաձայնվել են նաև Կրթության և գիտության նախարարությունում, և հանգուցալուծման փուլում են:

«Բաներ կան, որոնց մասին ես որպես մանկավարժ չեմ կարող խոսել: Անպես չէ, որ ես տեղյակ չեմ կատարվածին կամ չգիտեմ պատճառների մասին, պարզապես ինձ թույլ չեմ տալիս՝ հրապարակվեն դրանք: Միակ բանը, որ կարող եմ վստահեցնել՝ տղաների արարքի պատճառն ամենևին էլ գումարը չէ…»,- ասաց Ներսիկ Էլոյանը:

Դիտարկմանը, որ քանի դեռ իրականությունը չի հրապարակվել, կարծիք կա, որ երեխաների հետ տարվող մանկավարժական աշխատանքները դպրոցում ճիշտ հիմքի վրա չեն դրված, տնօրենն արձագանքեց. «Գիտե՞ք, այս պարագայում ես նախընտրում եմ՝ իմ մասին բացասական խոսեն, քան ես բացեմ փակագծերը: Այդպես հիմա ավելի ճիշտ է»:

Նա նաև նշեց, որ տղայի հայրը որդու վատ վարքագծի պատճառով ցանկացել է դիմում ներկայացնել՝ տղային դպրոցից տանելու նպատակով, սակայն Էլոյանը թույլ չի տվել:

«Ասում եմ՝ եղբա՛յր, ո՞ւր պետք է տանես տղայիդ, ասում է՝ չգիտեմ, ասում եմ՝ դե ուրեմն երեխան մնում է մեր դպրոցում,- նշում է տնօրենն ու հավելում,- նա արդեն մերժված է, վատ վարքագծի համար մի քանի դպրոց է փոխել, գիտե՛ք. պատկերացնո՞ւմ եք՝ ինչ կլինի տղայի վիճակը, եթե նրան այստեղ ևս մերժենք… մենք բավականին աշխատանք ենք արդեն տարել ու պետք է շարունակենք աշխատել, ես թույլ չեմ տա, որ տղան վատ միջավայր ընկնի…»:

Հիշեցնենք, որ Երևանի Լևոն Արիսյանի անվան թիվ 127 ավագ դպրոցի բակում նույն դպրոցի 10-րդ և 11-րդ դասարաններում սովորող երկու անչափահաս փորձել են ինքնասպան լինել:  Տղաները ածելիով վնասել են իրենց նախաբազուկները:

Կատարվում է հետաքննություն:

Արմինե Մկրտումյան