Որոշ ավտոճանապարհներին տեղ-տեղ առկա է մերկասառույց - Սպասվում են տեղումներ ձյան, ձնախառն անձրևի տեսքով - Արցախի ՊԲ-ն հարձակողական բնույթի զորավարժություններ է անցկացրել - Ընտանեկան բռնությունը չի դադարի, եթե մենք ոչինչ չանենք. ցուցարարներ (ֆոտո, վիդեո) - Կալանավորի հաղորդումը. «Հրազդան» ՔԿՀ-ի պետը հայհոյել է ու ոտքերով հարվածել է իրեն - ՆԱՏՕ-ն կոչ է անում խուսափել ԼՂ-ում իրավիճակի սրումից - Հայ դիրքապահները միջդիրքային տարածքում ադրբեջանցի կապիտանի դիակ են հայտնաբերել - Հայ երիտասարդը ծաղրում է Կրաշենիննիկովային (վիդեո) - Դիլիջանի «ձեռնադրված» քաղաքապետի համար ճանապարհները մաքրելը պատվից ցածր է (լուսանկարներ) - Արտակարգ դեպք՝ Վանաձորում. գնացքը վրաերթի է ենթարկել երիտասարդի, նա ողջ է մնացել. Shamshyan.com (լուսանկարներ)

Սաակաշվիլիի կուսակցությունը Վրաստանում պառակտվում է


alik-eroyanc

Վրացագետ Ալիկ Էրոյանցը ֆեյսբուքյան իր էջում գրել է.

«Վրաստանում երբեմնի իրենից հզոր քաղաքական ուժ ներկայացնող «Միացյալ ազգային շարժում» կուսակցությունը, որի հիմնադիրը նախկին նախագահ Մ. Սաակաշվիլին է, պառակտման եզրին է: Դեռևս նախընտրական քարոզչության շրջանում (խորհրդարանական ընտրությունները կայացել են 2016թ.-ի հոկտեմբերի 8-ին), ապա նաև ընտրությունների ավարտից հետո, արդեն իսկ պարզ էր, որ նշված քաղաքական ուժը ներկուսակցական լուրջ խնդիրներ ունի, որոնք հիմնականում պայմանավորված էին/են տարբեր, հիմնականում երկու խմբերի շահերի բախմամբ: Մի մասը դեռևս ընդունում է Սաակաշվիլիի կարծիքը, մյուս մասը, սակայն նշանակություն չի տալիս նրա մոտեցումներին:

Նշվածի արդյունքում ստեղծվել է մի իրավիճակ, երբ կուսակցության ներկայացուցիչներն արդեն հանրային կերպով բացահայտ վիրավորում են իրար և վիճում են միմյանց հետ: Նախկին քաղաքապետ, «ՄԱՇ» առաջնորդներից Գիգի Ուգուլավայի՝ ընդամենն օրերս բանտից ազատ արձակման հանգամանքն էլ ավելի է խորացրել այդ ճգնաժամը:

Խորհրդարանում ընդդիմադիր դիրքերից հանդես եկող և ընդամենը 27 պատգամավոր ունեցող «ՄԱՇ» խմբակցությունը ևս պատրաստվում է մասնատման, և առանց այն էլ ժամանակի ընթացքում թուլացած «ուժը» դրանով էլ ավելի է իր համար խնդիրներ ստեղծում:

Հ.Գ. Ի դեպ, վերջին տարիներին, ընդդիմություն դարձած «ՄԱՇ» մի շարք անդամներ պարբերաբար լքել են կուսակցության շարքերն՝ անցնելով «իշխանության կողմը» կամ ստեղծել առանձին կառույցներ:

Այժմ էլ խոսակցություններ կան, որ Ուգուլավան դառնալու է իշխանական ուժի համակիր, և դա է պատճառը, որ 4.5 տարի բանտում անցկացնելու փոխարեն, ընդամենը մեկ տարի երեք ամիս պատժաչափը կրելուց հետո՝ այլևս ազատություն է վայելում»: